புதிய பாராளுமன்ற கட்டிட திறப்பு விழாவில் பா.ம.க. பங்கேற்கும் : அன்புமணி அறிவிப்பு

சென்னை : புதிய பாராளுமன்றக் கட்டிடம் திறப்பு விழாவில் பா.ம.க. பங்கேற்கும் என்று அக்கட்சியின் தலைவர் அன்புமணி தெரிவித்துள்ளார். 

டெல்லியில் புதிதாக கட்டப்பட்டுள்ள பாராளுமன்ற கட்டிடத்தை பிரதமர் திறந்து வைப்பதற்கு எதிர்ப்பு தெரிவித்தும், ஜனாதிபதியே திறந்து வைக்க வேண்டும் என்றும் எதிர்க்கட்சிகள் தெரிவித்துள்ளன. மேலும், பல கட்சிகள் இந்த திறப்பு விழாவை புறக்கணிப்பதாக தெரிவித்துள்ளன. 

இந்த நிலையில் புதிய பாராளுமன்ற கட்டிட திறப்பு விழாவில் பா.ம.க. பங்கேற்கும் என பா.ம.க. தலைவர் அன்புமணி ராமதாஸ் தெரிவித்துள்ளார். இதுகுறித்து அவர் தன்னுடைய டுவிட்டர் பக்கத்தில் தெரிவித்துள்ளதாவது,

டெல்லியில் நாளை 28-ம் தேதி புதிய பாராளுமன்ற கட்டிடத்தின் திறப்பு விழா நடைபெறவுள்ளது. வரலாற்று சிறப்புமிக்க அந்த நிகழ்வின் முக்கியத்துவத்தை கருத்தில் கொண்டு, புதிய பாராளுமன்ற கட்டிடத் திறப்பு விழாவில் பா.ம.க. கலந்து கொள்ளும். இவ்வாறு அவர் அந்த பதிவில் தெரிவித்துள்ளார்.