சென்னை, சந்திரமுகி - 2 திரைப்படம் நாளை 28-ம் தேதி  வெளியாக உள்ள நிலையில் ரஜினிகாந்தை நடிகர் ராகவா லாரன்ஸ் சந்தித்து வாழ்த்து பெற்றார். 

இயக்குனர் பி.வாசு இயக்கத்தில் பிரம்மாண்டமாக உருவாகி இருக்கும் திரைப்படம் சந்திரமுகி -2. இப்படத்தில் ராகவா லாரன்ஸ் கதாநாயகனாக நடித்துள்ளார். கங்கனா ரனாவத் முக்கிய கதாப்பாத்திரத்தில் நடித்துள்ளார். மேலும் வடிவேலு, ராதிகா உள்ளிட்ட பல திரைப்பிரபலங்கள் இதில் நடித்திருக்கின்றனர். லைகா நிறுவனம் தயாரித்துள்ள இப்படத்திற்கு எம்.எம் கீரவாணி இசையமைத்துள்ளார். 

சந்திரமுகி - 2 திரைப்படம் தமிழ், தெலுங்கு, மலையாளம், இந்தி, கன்னடம் ஆகிய மொழிகளில் 28-ம் தேதி திரையரங்குகளில் வெளியாகவுள்ளது. இந்நிலையில், நடிகர் ராகவா லாரன்ஸ், ரஜினியை சந்தித்து வாழ்த்து பெற்றுள்ளார். இது தொடர்பான புகைப்படத்தை தனது வலைதளத்தில் பகிர்ந்துள்ள ராகவா லாரன்ஸ், 

என் தலைவர் மற்றும் குரு ரஜினியை சந்தித்து ஜெயிலர் வெற்றிக்கு வாழ்த்து தெரிவித்தேன். சந்திரமுகி- 2 திரைப்படம் 28-ம் தேதி ரிலீஸாகவுள்ள நிலையில் அவரிடம் ஆசி பெற்றேன் என்று குறிப்பிட்டுள்ளார்.