சி.எஸ். அமுதன் இயக்கத்தில் விஜய் ஆண்டனி , மகிமா நம்பியார், ரம்யா நம்பீசன், நந்திதா ஸ்வேதா, நிழல்கள் ரவி ஆகியோர் நடித்து அக்டோபர் 6-ம் தேதி வெளியாகவிருக்கும் திரைப்படம் `ரத்தம்'. இப்படத்தின் பத்திரிக்கையாளர் சந்திப்பு சமீபத்தில் நடைபெற்றது. இவ்விழாவில் பேசிய விஜய் ஆண்டனி, "அமுதன் என் நண்பன். நிச்சயம் இப்படம் வெற்றிப் படமாக அமையும். கூடிய சீக்கிரமே இன்னொரு படம் பண்ணுவோம் " என்று பேசினார். இதையடுத்து பேசிய இயக்குநர் சி.எஸ்.அமுதன், தனது தந்தை  இறந்த போது, சினிமா துறையிலிருந்து எங்க வீட்டிற்கு வந்தவர் விஜய் ஆண்டனிதான். அப்போது அவர் என்னிடம் 'நாங்கள் எப்போதும் உன்னுடன் இருப்போம் என்றார். அன்று அவர் எனக்குச் சொன்னதைத்தான் இன்று நான் அவருக்குச் சொல்ல ஆசைப்படுகிறேன். நாங்கள் எப்போதும் உங்களுடன் இருப்போம் என்று நெகிழ்ச்சியாகப் பேசினார்.