காளிதாஸ் நடிக்கும் அவள் பெயர் ரஜினி

தமிழ், மலையாளம் என இரு மொழிகளில் உருவாகி வரும் படம் 'அவள் பெயர் ரஜினி. இப்படத்தில்  காளிதாஸ் ஜெயராம் நாயகனாக நடிக்கிறார். வினில் ஸ்கரியா இயக்கியிருக்கும் இப்படம் பல திருப்பங்கள் கொண்ட திரில்லராக உருவாகி இருக்கிறது. விரைவில் வெளியாக இருக்கும் இப்படத்தில், காளிதாஸ் ஜெயராமுடன் நமிதா பிரமோத், ரெபா மோனிகா ஜான் மற்றும் சைஜு குருப், அஸ்வின் குமார், கருணாகரன், ஷான் ரோமி ஆகியோர் முக்கியக் கதாபாத்திரங்களில்  நடித்துள்ளனர். விக்ரம், நட்சத்திரம் நகர்கிறது படங்களின் பிரம்மாண்ட வெற்றிக்குப் பிறகு நடிகர் காளிதாஸ் ஜெயராம் நடிப்பில் வெளியாகும் திரைப்படம் இதுவாகும். தமிழ் மற்றும் மலையாள மொழிகளில் உருவாகியுள்ள இப்படம், நொடிக்கு நொடி திருப்பங்களுடன் ரசிகர்களை இருக்கை நுனியில் வைக்கும்  துப்பறியும் வகை திரில்லர் திரைப்படமாக உருவாகியுள்ளது.