மே 15-ல் ராஜினாமா: சிங்கப்பூர் பிரதமர் லீ சியென் லூங் அறிவிப்பு

சிங்கப்பூர், சிங்கப்பூரில் பிரதமர் லீ சியென் லூங் (72) தலைமையிலான மக்கள் செயல் கட்சி ஆட்சி நடைபெற்று வருகிறது. நாட்டின் 3-வது பிரதமரான இவர் கடந்த 2004 முதல் மக்கள் செயல் கட்சியின் பொதுச்செயலாளராகவும் இருந்து வருகிறார். 

சமீபகாலமாக இந்த கட்சியின் அமைச்சர் மற்றும் எம்.பி.க்கள் மீது ஊழல் குற்றச்சாட்டுகள் சுமத்தப்பட்டன. இதன்காரணமாக 2 எம்.பி.க்கள் தங்களது பதவியை ராஜினாமா செய்தனர். 

இந்த நிலையில் பிரதமர் லீ சியென்னும் அடுத்த மாதம் (மே) 15-ம் தேதி தனது பதவியை ராஜினாமா செய்வதாக அறிவித்துள்ளார். மேலும் தான் பதவி விலகும் அதே நாளில் லாரன்ஸ் வோங் பிரதமராக பதவியேற்பார் எனவும் அவர் கூறி உள்ளார்.

இது குறித்து வலைதளத்தில் அவர் வெளியிட்டுள்ள பதிவில்,  இதே நாளில் துணை பிரதமரான லாரன்ஸ் வாங் அடுத்த புதிய பிரதமராக பதவியேற்றுக் கொள்வார்.எந்த நாட்டிலும் தலைமை மாற்றம் என்பது மிகவும் குறிப்பிடத்தக்க தருணமாகும். 

லாரன்ஸ் மற்றும் 4ஜி ( நான்காவது தலைமுறை) குழுவானது மக்களின் நம்பிக்கையை பெறுவதற்கு கடுமையாக உழைத்துள்ளனர். 4 ஜி குழுவானது சிங்கப்பூரை சிறப்பாக செயல்பட வைப்பதற்கும், முன்னேற்றுவதற்கும் உறுதி பூண்டுள்ளது. லாரன்ஸ் மற்றும் அவரது குழுவிற்கு மக்கள் முழு ஆதரவு வழங்க வேண்டும் என்று குறிப்பிட்டுள்ளார்.