முக்கிய செய்திகள்
Idhayam Matrimony

ஐ.சி.சி-யின் ஏப்ரல் மாதத்திற்கான சிறந்த வீரர், வீராங்கனை அறிவிப்பு

செவ்வாய்க்கிழமை, 14 மே 2024      விளையாட்டு
ICC 2023 06 24

Source: provided

துபாய் : ஐ.சி.சி-யின் ஏப்ரல் மாதத்திற்கான சிறந்த வீராங்கனை விருது வெஸ்ட் இண்டீஸ் கேப்டன் ஹேலி மேத்யூஸ்-க்கு வழங்கப்பட்டுள்ளது.

தலா 3 வீரர்கள்...

சர்வதேச கிரிக்கெட் கவுன்சில் (ஐ.சி.சி) ஒவ்வொரு மாதமும் சிறந்த கிரிக்கெட் வீரர் மற்றும் வீராங்கனையை தேர்வு செய்து கவுரவித்து வருகிறது. அதன்படி ஏப்ரல் மாதத்திற்கான சிறந்த வீரர் மற்றும் வீராங்கனையை தேர்வு செய்ய தலா 3 வீரர் மற்றும் வீராங்கனைகளை ஐ.சி.சி அறிவித்திருந்தது. அதன்படி ஏப்ரல் மாதத்திற்கான சிறந்த வீரர் விருதிற்கான பரிந்துரை பெயர் பட்டியலில் நமீபிய வீரரான எராஸ்மஸ், யு.ஏ.இ கேப்டனாக முகமது வாசிம் மற்றும் பாகிஸ்தான் முன்னாள் கேப்டனான ஷாகீன் அப்ரிடி ஆகியோர் இடம்பெற்றிருந்தனர்.

வாசிம் - ஹேலி...

அதேபோல் ஏப்ரல் மாதத்திற்கான சிறந்த வீராங்கனை விருதிற்கான பரிந்துரை பெயர் பட்டியலில் தென் ஆப்பிரிக்க வீராங்கனையான லாரா வோல்வார்ட், வெஸ்ட் இண்டீஸ் கேப்டனான ஹேலி மேத்யூஸ் மற்றும் இலங்கை அணியின் கேப்டனான சமாரி அதபத்து ஆகியோர் இடம்பெற்றிருந்தனர். இந்நிலையில் ஏப்ரல் மாதத்திற்கான சிறந்த வீரர் - வீராங்கனை விருது வென்றவர்களை ஐ.சி.சி அறிவித்துள்ளது. அதன்படி ஏப்ரல் மாதத்திற்கான சிறந்த வீரர் விருது யு.ஏ.இ கேப்டன் முகமது வாசிமுக்கும், சிறந்த வீராங்கனை விருது வெஸ்ட் இண்டீஸ் கேப்டன் ஹேலி மேத்யூஸ்-க்கும் வழங்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து