முக்கிய செய்திகள்
Idhayam Matrimony

ஆஸ்திரேலியாவுக்கு படிக்க சென்ற இந்திய மாணவருக்கு நேர்ந்த துயரம்

செவ்வாய்க்கிழமை, 21 மே 2024      உலகம்
Australia 2024-05-21

Source: provided

மெல்போர்ன் : இந்தியாவில், அரசுப் பணி கிடைத்தும் அதை ராஜினாமா செய்துவிட்டு ஆஸி.,க்கு படிக்க சென்ற மாணவர், தாக்குதலுக்கு உள்ளாகி பக்கவாதத்தால் பாதிக்கப்பட்டு உள்ளார். சிகிச்சைக்கு நிதி திரட்ட அவரது நண்பர்கள் இணையதளம் வாயிலாக முயற்சித்து வருகின்றனர்.

தேவரிஷி தேகா(32) என்ற மாணவர், ஆஸ்திரேலியாவின் ஹோபர்ட் நகரில் உள்ள பல்கலையில் படிக்க சென்றார். அவரது விசா காலம் அடுத்தாண்டு மார்ச் மாதம் நிறைவு பெறுகிறது. அங்கு சென்ற அவருக்கு பகுதி நேர வேலை கிடைத்தது. கடந்த நவ.,6 ல் வேலையில் சேர வேண்டிய நிலையில், முதல் நாள் இரவு நண்பர்களுடன் வெளியில் விருந்துக்கு சென்றார். ஆனால், அவர் தாக்குதலுக்கு உள்ளானார். அதில், படுகாயமடைந்த அவர் கோமா நிலைக்கு சென்றார்.

3.5 மாதங்களுக்கு பிறகு அவருக்கு கண் திறந்தாலும், மூளையில் ஏற்பட்ட காயம் காரணமாக இடது கண்ணில் பார்வை குறைபாடு ஏற்பட்டுள்ளது. இடது கால் பக்கவாதத்தால் முடங்கியது. தற்போது அவரது காப்பீடு திட்டத்தில் சிகிச்சை பெற்று வருகிறார். இருப்பினும், காப்பீடு திட்டம் விரைவில் முடிவுக்கு வந்தால், சிகிச்சைக்கு சிக்கல் ஏற்படும் என அவரது நண்பர்கள் தெரிவித்து உள்ளனர். இதனையடுத்து இணையதளம் மூலம், பணம் திரட்டும் முயற்சியில் அவர்கள் ஈடுபட்டு உள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து