முக்கிய செய்திகள்
Idhayam Matrimony

மத்திய அமைச்சர்களின பதவியேற்பு விழாவில் சிறுத்தை வந்தது எப்படி?

திங்கட்கிழமை, 10 ஜூன் 2024      இந்தியா
modi-ministers-2024-06-10

புது டெல்லி, மத்திய அமைச்சர்கள் பதவியேற்பு விழாவில் நேற்று சிறுத்தை ஒன்று வந்தது போன்ற காட்சி பதிவாகியுள்ளது பரபரப்பை ஏற்படுத்தியுள்ளது.

நாட்டின் பிரதமராக தொடர்ந்து 3-வது முறையாக நரேந்திர மோடி பதவியேற்றுக்கொண்டார். அவருக்கு ஜனாதிபதி திரெளபதி முர்மு பதவிப் பிரமாணம் செய்து வைத்தார். அவரைத் தொடர்ந்து மத்திய அமைச்சர்களாக 72 பேர் பதவியேற்றுக்கொண்டனர். ஜனாதிபதி திரெளபதி முர்மு அனைவருக்கும் பதவிப் பிரமாணம் செய்து வைத்தார். சுமார் இரண்டரை மணி நேரத்துக்கும் அதிகமாக நடைபெற்ற பதவியேற்பு நிகழ்ச்சி இரவு 10 மணியளவில் முடிவடைந்தது.

இந்நிலையில் பதவியேற்பு விழாவில் போது சிறுத்தை ஒன்று நடமாடியது அதிர்ச்சியை ஏற்படுத்தியது. குடியரசு தலைவர் மாளிகையில் ஜனாதிபதி திரெளபதி முர்மு அமைச்சர் குமாரசாமிக்கு பதவி பிரமாணம் செய்து வைக்கும் போது மாளிகை பின்னால் உள்புறம் சிறுத்தை ஒன்று நடந்து செல்வது போல் வீடியோவில் பதிவாகி உள்ளது. இந்த மர்ம விலங்கு சிறுத்தையா? பூனையா? என்ற சர்ச்சை ஏற்படுத்தியுள்ளது. பல்வேறு பாதுகாப்பு ஏற்பாடுகள் செய்திருந்த போது இந்த மர்ம விலங்கு எப்படி வந்து என்று கேள்வி எழுந்துள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து