ரஷ்யாவின் தாக்குதலில் ஒரே நாளில் உக்ரைன் வீரர்கள் 150 பேர் உயிரிழப்பு

மாஸ்கோ : குர்ஷ்க் மாகாணத்தில் நடத்திய தாக்குதலில் ஒரே நாளில் 150 உக்ரைன் வீரர்கள் கொல்லப்பட்டுள்ளதாக ரஷ்ய பாதுகாப்புத்துறை தெரிவித்துள்ளது. 

உக்ரைன் - ரஷ்யா இடையேயான போர் நேற்று 983-வது நாளாக நீடித்து வருகிறது. இந்த போரில் ஆயிரக்கணக்கானோர் உயிரிழந்துள்ளனர். இந்த போரில் உக்ரைனுக்கு ஆயுத உதவிகளை அமெரிக்கா உள்பட மேற்கத்திய நாடுகள் வழங்கி வருகின்றன. 

போரை நிறுத்த பல்வேறு நாடுகள் முயற்சித்து வருகின்றன. போர் நிறுத்தம் தொடர்பான பேச்சுவார்த்தைக்கு தயாராக இருப்பதாக ரஷ்ய அதிபர் புடின் தெரிவித்துள்ளார். ஆனால், பேச்சுவார்த்தை தொடர்பாக உக்ரைன் இதுவரை எந்தவித அறிவிப்பும் வெளியிட வில்லை. 

அதேவேளை, இருநாடுகளுக்கும் இடையே போர் தொடர்ந்து நீடித்து வருகிறது.இதனிடையே, ரஷ்யாவின் குர்ஷ்க் மாகாணத்திற்குள் உக்ரைன் வீரர்கள் நுழைந்துள்ளனர். அவர்களை குர்ஷ்க் மாகாணத்தில் இருந்து வெளியேற்றி நகரை மீண்டும் கைப்பற்றும் முயற்சியில் ரஷ்ய படையினர் போரிட்டு வருகின்றனர்.

இந்நிலையில், குர்ஷ்க் மாகாணத்தில் நடத்திய தாக்குதல் நேற்று முன்தினம் ஒரே நாளில் 150 உக்ரைன் வீரர்கள் கொல்லப்பட்டுள்ளதாக ரஷ்ய பாதுகாப்புத்துறை தெரிவித்துள்ளது. உக்ரைன் ராணுவ வாகனங்களும் அழிக்கப்பட்டதாக ரஷ்யா தெரிவித்துள்ளது.