‘பரமசிவன் பாத்திமா’ திரை விமர்சனம்

திண்டுக்கல் மாவட்டத்தில் இரண்டு மலை கிராமங்கள் உள்ளது. ஒன்று கிறிஸ்தவர்கள் வாழும் கிராமம். மற்றொன்று இந்துக்கள் வாழும் கிராமம் இந்த இரு கிராமங்களுக்கும் இடையே அவ்வப்போது மோதல்கள் ஏற்படுகிறது. இதில் ஒரு இளைஞர் கொல்லப்படுகிறார். இதனை விசாரிக்கும் போலீஸ் குற்றவாளியை கண்டுபிடிக்க முடியாமல் திணறுகிறது. கடைசியில் கொலையைச் செய்தது யார்? எதற்காக கொலை நடந்தது என்பதைச் சொல்லும் படமே ‘பரமசிவன் பாத்திமா. கதையின் நாயகனாக விமல் நடிக்க அவருக்கு ஜோடியாக சாயாதேவி நடித்திருக்கிறார். கிறிஸ்தவ பாதரியராக எம்.எஸ்.பாஸ்கர், போலீஸ் இன்ஸ்பெக்டராக நடித்திருக்கும் இசக்கி கார்வண்ணன் இருவரும் அதிகம் பேசிப் பேசி பார்வையாளர்களை குழப்புகிறார்கள். எழுதி இயக்கியிருக்கும் இசக்கி கார்வண்ணன், இந்து மதம் தான் உயர்ந்தது, மற்றவை பணம் கொடுத்து மக்களை தங்கள் பக்கம் இழுக்கிறது என்பதாக சொல்லியிருக்கிறார். மொத்தத்தில், எந்த மதமாக இருந்தாலும், அனைவரும் ஒன்று என்ற சிந்தனையோடு வாழ்ந்து வருபவர்களிடம் மத மோதல்களை உருவாக்க முயற்சித்திருக்கும் ஒரு தவறான படமே பரமசிவன் பாத்திமா.