மகா சிவராத்திரி மதுரை சிவாலயங்களில் விடிய விடிய தரிசணம் சிவபெருமானுக்கு விடிய விடிய அபிஷேகங்கள், ஆராதனைகள் நடைபெற்றன. மதுரை மீனாட்சி அம்மன் கோவில், இம்மையிலும் நன்மை தருவார் கோவில் உள்பட அனைத்து சிவாலயங்களும் விடிய, விடிய திறக்கப்பட்டு பல்வேறு அபிஷேகங்கள் , தீபாரதனைகள் நடைபெற்றன. இம்மையில் நன்மை தருவார் கோவிலில் பரதநாட்டிய நிகழ்ச்சிகள், பக்திப் பாட்டு கச்சேரி நடைபெற்றது. பாட்டுக் கச்சேரி கேட்டுக் கொண்டும், 1 மணிக்கு ஒரு முறை சுவாமிக்கு நடைபெறும் அபிஷேகங்களை பார்த்துக் கொண்டும் , இரவு முழுவதும் , விடிய, விடிய பக்தர்கள் சிவராத்திரியை பக்தி பரவசத்துடன் கழித்தனர்.

இதேபோல் தெருவோர சிவன் கோவில்களும் விடிய, விடிய திறக்கப்பட்டு இருந்தன. மதுரை மாநகரில் ஆங்காங்கே சிவ பக்தர்கள் கையில் அரிவாள் ஏந்தி சாமி ஆடி வந்தனர். அவர்களோடு பெண்கள் தலையில் பால்குடம் சுமந்து வந்து சிவ பெருமானுக்கு அபிஷேகம் செய்தனர் . மேலும் கருப்பணசாமி கோவில்களில் பெண்கள் பொங்கல் வைத்தும் வழிபட்டனர் . சிவராத்திரியன்று விடிய, விடிய சிவபெருமானை மட்டும் நினைத்து வழிபட்டால் மோட்சம் கிட்டுமாம்.