முக்கிய செய்திகள்
Idhayam Matrimony

நெய்வேலியில் இன்று முற்றுகை போராட்டம்

திங்கட்கிழமை, 8 ஜூலை 2013      தமிழகம்
Image Unavailable

 

நெய்வேலி,ஜூலை.9 - நெய்வேலியில் இன்று அனல் மின்உற்பத்தி நிலையங்களை முற்றுகையிடும் போராட்டம் நடைபெறும் என்று தொழிற்சங்க தலைவர்கள் அறிவித்துள்ளனர். என்.எல்.சி. எனப்படும் நெய்வேலி பழுப்பு நிலக்கரி நிறுவனத்தின் 5 சதவீத பங்குகளை தனியாருக்கு தாரை வார்க்கும் மத்திய அரசின் முடிவை கண்டித்து அந்நிறுவன தொழிலாளர்கள் கடந்த 3-ம் தேதி நள்ளிரவு முதல் காலவரையற்ற வேலைநிறுத்த போராட்டத்தில் குதித்துள்ளனர். இதனால் நிலக்கரி வெட்டி எடுக்கும் பணி மற்றும் மின்உற்பத்தி ஆகியவை பாதிக்கப்பட்டுள்ளது. இதனிடையே 5 சதவீத பங்குகளை தமிழக அரசுக்கு சொந்தமான பொதுத்துறை நிறுவனங்களுக்கு விற்பனை செய்யலாம் என்று யோசனை தெரிவித்து பிரதமர் மன்மோகன் சிங்கிற்கு முதல்வர் ஜெயலலிதா ஏற்கனவே கடிதம் எழுதியுள்ளார். நேற்றுமுன்தினம் மீண்டும் பிரதமருக்கு முதல்வர் கடிதம் எழுதினார். அதில் தனது யோசனைப்படி இந்த பிரச்சினையை அணுகுமாறு பிரதமரை முதல்வர் கேட்டுக்கொண்டுள்ளார்.

இந்தநிலையில் என்.எல்.சி.நிறுவன தொழிலாளர்கள் போராட்டம் நேற்றும் தொடர்ந்து நீடித்தது. மத்திய அரசு தனது முடிவை வாபஸ் பெறும் வரை இந்த போராட்டம் தொடரும் என்று அனைத்து தொழிற்சங்கங்களும் முடிவு எடுத்து அறிவித்தன. மேலும் இன்று அனல்மின் நிலையங்களை முற்றுகையிட்டு போராட்டம் நடத்துவோம் என்றும் தொழிற்சங்க தலைவர்கள் அறிவித்து இருக்கிறார்கள். இதையொட்டி நெய்வேலியில் பாதுகாப்பு தீவிரப்படுத்தப்பட்டுள்ளது. முன்னதாக தொழிற்சங்கங்களின் கூட்டம் நடைபெற்றது. அப்போது முற்றுகை போராட்டம் தொடர்பாக முடிவு செய்யப்பட்டது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 3 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 3 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 5 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 5 months ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.