பாக்., தீவிரவாதிகள் தாக்குதலில் அமைச்சர் உள்பட 8 பேர் பலி

பெஷாவர், அக்.18 - பாகிஸ்தானில் தற்கொலைப் படை தீவிரவாதிகள் தாக்கியதில் அமைச்சர் உள்பட 8 பேர் உயிரிழந்தனர். பாகிஸ்தானில் கைபர் பக்துன்கவா மாகாணத்தின் முன்னாள் முதல்வர் இனயதுல்லா. இவரது மகன் இஸ்ராருலாகான். இவர் சட்டத் துறை அமைச்சராக பணியாற்றி வந்தார். இவர் முன்னாள் கிரிக்கெட் வீரர் இம்ரான்கானின் தெஸ்ரிக் இன்சாப் கட்சியில் சேர்ந்தார். இவரது வீட்டில் கட்சிப் பிரமுகர்களுடன் இவர் பேசிக்கொண்டிருந்தார். அங்கு 500 பேர் கூடியிருந்தனர். 

அப்போது அங்கு புகுந்த தற்கொலைப் படை தீவிரவாதிகள் அமைச்சர் வீட்டு காவலர் இருவரையும்  சுட்டனர். இதில் அவர்கள் 2 பேரும் இறந்தனர். பின்னர் அவர்கள் அமைச்சர் அருகே சென்று வெடிகுண்டுகளை வெடிக்கச் செய்தனர். இதில் அமைச்சர் உள்பட 8 பேர் இறந்தனர். அமைச்சரின் தம்பி காயத்துடன் தப்ஏபினார். இதில் 30 பேர் காயமடைந்தனர்.