முக்கிய செய்திகள்
Idhayam Matrimony

தங்கம் விலை ஒரே நாளில் சவரனுக்கு ரூ. 352 உயர்வு

திங்கட்கிழமை, 5 ஆகஸ்ட் 2019      வர்த்தகம்
Image Unavailable

சென்னை : சென்னையில் ஆபரணத் தங்கத்தின் விலை நேற்று பவுனுக்கு ரூ.352 உயர்ந்து, ஒரு சவரன் ரூ. 27 ஆயிரத்து 680-க்கு விற்பனையானது. 

தங்கத்தின் விலை கடந்த 2011-ம் ஆண்டு முதல் வேகமாக அதிகரித்து வருகிறது. அந்த ஆண்டு ஆகஸ்ட் 8-ம் தேதி ஒரு பவுன் தங்கம் முதல் முறையாக ரூ. 20 ஆயிரத்தை எட்டியது. திடீரென அடுத்த இரண்டே நாள்களில் பவுனுக்கு ஆயிரம் ரூபாய் வரை உயர்ந்து ரூ. 21 ஆயிரத்தையும் தாண்டியது. இதையடுத்து வந்த ஆண்டுகளில் தங்கம் விலையில் ஏற்ற இறக்கம் குறிப்பிட்ட எல்லைக்குள் இருந்தது.பின்னர் கடந்த 2017-ம் ஆண்டில் ஏப்ரல் 30-ம் தேதி ஒரு பவுன் தங்கத்தின் விலை ரூ. 22 ஆயிரத்துக்கு விற்பனையானது. அதே ஆண்டில் ஆகஸ்ட் மாதத்தில் ரூ. 23 ஆயிரத்தையும், செப்டம்பரில் 24 ஆயிரத்தையும் கடந்தது. 2013-ம் ஆண்டு முதல் 2018-ம் ஆண்டு வரை தங்கம் விலை 25 ஆயிரத்துக்குள் இருந்தது.

இதையடுத்து இந்த ஆண்டு ஜனவரியில் ஒரு பவுன் தங்கம் விலை முதல் முறையாக ரூ. 25 ஆயிரத்துக்கும் மேல் உயர்வு கண்டது. தொடர்ந்து கடந்த ஜூன் மாதத்தில் 26 ஆயிரத்தைக் கடந்த தங்கம் விலை, ஆகஸ்ட் 1-ல் ரூ.26 ஆயிரத்து 480-க்கு விற்பனையானது. இந்த நிலையில் அடுத்த நாளான வெள்ளிக்கிழமை பவுனுக்கு ரூ. 584 அதிகரித்து ஒரு பவுன் ரூ.27 ஆயிரத்து 64-க்கு விற்கப்பட்டது.

புதிய உச்சத்தைத் தொட்ட தங்கம் விலை கடந்த சனிக்கிழமை மேலும் உயர்ந்தது. அதன் விலை வெள்ளிக்கிழமையுடன் ஒப்பிடுகையில் கிராமுக்கு ரூ.33 அதிகரித்திருந்தது. இதனால் பவுனுக்கு ரூ. 264 அதிகரித்து ஒரு பவுன் தங்கம் விலை ரூ. 27 ஆயிரத்து 328 ஆக உயர்ந்தது. கடந்த ஆகஸ்ட் மாதம் 1-ம் தேதி முதல் 3 நாள்களில் ஒரு பவுன் தங்கத்தின் விலை ரூ. 848 உயர்ந்துள்ளது. வெள்ளியின் விலை கிராமுக்கு 20 காசுகள் விலை உயர்ந்து தற்போது ரூ. 44.50 ஆக இருந்தது.

சர்வதேச சந்தையில் ஒரு அவுன்ஸ் தங்கத்தின் விலை 3 நாட்களில் 50 டாலர் அதிகரித்து 1,452 டாலரை எட்டியுள்ள நிலையில், நேற்று தங்கத்தின் விலை வரலாறு காணாத உயர்வை கண்டுள்ளது. நேற்று தங்கம் விலை சவரனுக்கு ஒரே நாளில் ரூ. 352 உயர்ந்துள்ளது. சென்னையில் ஆபரணத் தங்கத்தின் விலை சவரனுக்கு ரூ. 352 உயர்ந்து, ஒரு கிராம் தங்கம் 3,460க்கும், ஒரு சவரன் ரூ. 27,680-க்கு விற்பனையானது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 4 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 4 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.