முக்கிய செய்திகள்
Idhayam Matrimony

மதுரை மீனாட்சி கோயிலுக்கு சூரிய ஒளி மூலம் மின்சாரம்

புதன்கிழமை, 11 ஜூலை 2012      ஆன்மிகம்
Image Unavailable

 

மதுரை, ஜூலை. 11 - மதுரை அருள்மிகு மீனாட்சி சுந்தரேஸ்வரர் திருக்கோவிலுக்கு தேவையான மின்சாரத்தை சூரிய ஒளி மூலம் பெற திட்டமிடப்பட்டுள்ளது. இது தொடர்பாக மத்திய சுற்றுலாத் துறை ஆலோசகர் ஸ்ரீகாந்த் நேரில் வந்து ஆய்வு மேற்கொண்டார். புகழ் பெற்ற வழிபாட்டு தலங்களுல் ஒன்றான மதுரை மீனாட்சி கோவிலில் மின்சார பயன்பாட்டுக்கு மாதம் ரூ. 5 லட்சம் செலவிடப்படுவதாக கூறப்படுகிறது. மேலும் எந்நேரமும் கோவில் கோபுரங்களை காணும் வகையில் சூரிய ஒளி மூலம் ஒளிரும் நவீன மின் விளக்குகளை அமைக்க திட்டமிடப்பட்டுள்ளது. 

மத்திய சுற்றுலா துறை அமைச்சகம் மதுரையில் சுற்றுலா மேம்பாட்டுக்கான புதிய பணிகளை மாநில சுற்றுலாத் துறை மூலம் மேற்கொள்ள திட்டமிட்டுள்ளது. அதனடிப்படையில் மதுரை, திண்டுக்கல், தேனி ஆகிய மாவட்டங்களில் சுற்றுலாத் துறையை மேம்படுத்திடவும், புதிய திட்டப் பணிகளை செயல்படுத்திடவும் நடவடிக்கை எடுக்கப்பட்டு வருகிறது. மத்திய சுற்றுலாத் துறை ஆலோசகர் ஸ்ரீகாந்த் மீனாட்சி சுந்தரேஸ்வரர் கோவிலில் மேற்கொள்ள வேண்டிய பணிகள் குறித்து கோவில் இணை ஆணையரும், செயல் அலுவலருமான ஜெயராமனை நேரில் சந்தித்து ஆலோசனை நடத்தினார்.

அப்போது கோவில் கோபுரங்கள் உள்ளிட்டவற்றுக்கு சூரிய ஒளி மூலம் மின்சாரம் தயாரிக்கும் திட்டத்தை செயல்படுத்த ஆலோசிக்கப்பட்டது. பொற்றாமரைக் குளத்தை சுற்றிய மண்டபங்களின் தூண்களில் நவீன வண்ண விளக்குகளை பொருத்தவும், புது மண்டபத்தில் ஒளி, ஒலி காட்சியை நடத்துவது குறித்தும் ஆலோசிக்கப்பட்டது. எல்லீஸ் நகரில் உள்ள திருக்கோவில் இடத்தில் வாகன நிறுத்துமிடம், சிறிய உணவு விடுதி மற்றும் வாகன ஓட்டுனர் தங்குமிடம் அமைக்கவும் ஆலோசிக்கப்பட்டது.

மாரியம்மன் தெப்பக்குளம் மைய மண்டபத்தில் ஏற்கனவே புதிய வர்ணம் பூசும் பணிகள் தொடங்கப்பட்டுள்ளன. இப்பணிகளில் சுற்றுலாத் துறை மூலம் மேலும் பல பணிகளை செயல்படுத்தவும் ஆலோசிக்கப்பட்டது. ஆலோசனையின் போது மதுரை மாவட்ட சுற்றுலா அலுவலர் தர்மராஜ் மற்றும் அருள்மிகு மீனாட்சி சுந்தரேஸ்வரர் திருக்கோவில் பொறியாளர் குமரன் உள்ளிட்டோர் உடனிருந்தனர். மத்திய சுற்றுலா துறை ஆலோசகர் ஸ்ரீகாந்த் அளிக்கும் ஆலோசனை அடிப்படையில் மதுரைக்கு ஓரிரு மாதங்களில் சிறப்பு சுற்றுலா குழு வருகை தரவுள்ளதாகவும், அக்குழுவினர் பார்வையிட்ட பின்னர் சுற்றுலா சிறப்பு திட்டங்கள் மீனாட்சி திருக்கோவிலில் செயல்படுத்தப்படவுள்ளதாகவும் சுற்றுலாத் துறை வட்டாரங்கள் தெரிவித்தன.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 7 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 7 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 8 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 8 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 10 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 10 months ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.