முக்கிய செய்திகள்
Idhayam Matrimony

தெய்வங்கள் பெயர்களில் உள்ள கோவில் நிலங்களுக்கு பூசாரிகள் உரிமை கொண்டாட முடியாது : உச்சநீதிமன்றம்

செவ்வாய்க்கிழமை, 7 செப்டம்பர் 2021      ஆன்மிகம்
Image Unavailable

தெய்வங்கள் பெயர்களில் உள்ள நிலங்களுக்கு உரிமை கொண்டாடவோ அரசு உரிமை கோருவதை தடுக்கவோ கோவில்களின் பூசாரிகளுக்கு உரிமை கிடையாது என உச்சநீதிமன்றம் திட்டவட்டமாக தெரிவித்துள்ளது. 

மத்திய பிரதேசத்தில் கோவில் நிலங்களின் உரிமையாளர்களாக பதிவு செய்யப்பட்டு இருந்த பூசாரிகளின் பெயர்களை வருவாய்துறை பதிவேடுகளில் இருந்து அம்மாநில அரசு நீக்கியது. இதனை எதிர்த்து தாக்கல் செய்யப்பட்ட மேல்முறையீட்டு வழக்கு உச்சநீதிமன்ற நீதிபதிகள் ஹேமந்த் குப்தா மற்றும் ஏ.எஸ். போபண்ணா அமர்வு முன்பு விசாரணைக்கு வந்தது.

அப்போது முறையற்ற வகையில் கோவில் நிலங்கள் விற்பனை செய்யப்படுவதை தவிர்க்கவே இந்த நடவடிக்கை எடுக்கப்பட்டுள்ளதாக அரசு தரப்பில் தெரிவிக்கப்பட்டது. இதற்கு கடும் எதிர்ப்பு தெரிவித்த பூசாரிகள் சங்கம், பூசாரிகளுக்கு பூமி சாமி உரிமை வழங்கப்பட்டுள்ளதாகவும் நிர்வாக உத்தரவுகளால் உரிமையை பறிக்க முடியாது என்றும் வாதிட்டது. இதனை பதிவு செய்து கொண்ட நீதிபதிகள் வழக்கில் தீர்ப்பு அளித்தனர்.

அதில் நீதிபதி ஹேமந்த் குப்தா , கோவில் சொத்துகளை நிர்வகிக்கும் உரிமை தான் பூசாரிகளுக்கு வழங்கப்பட்டுள்ளதே தவிர குத்தகைதாரர்கள் என்ற நிலைக்கு பூசாரிகள் உயர்த்தப்படவில்லை என்று தெரிவித்தார். பூசாரிகளை பூமி சாமியாக கருத முடியாது என்பதால் அவர்களுக்கு கோவில் நிலங்களின் மீது எந்த உரிமையும் கிடையாது என்றும் நீதிபதி தெரிவித்தார். 

நில ஆவணங்களில் தெய்வங்களின் பெயர்களை குறிப்பிட்டால் போதுமானது என்றும் தெய்வங்களே கோவில் நிலங்களின் உரிமையாளர்களாக கருதப்படுவார்கள் என்றும் நீதிபதிகள் தெரிவித்தனர். அதே நேரத்தில் கோவில் நிலங்களின் உரிமையாளர்களாக பூசாரிகளுக்கு பதிலாக மாவட்ட ஆட்சியர்களை நியமிப்பதை ஏற்க முடியாது என்றும் நீதிபதிகள் கூறினர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 4 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 4 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 5 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 5 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 7 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 7 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.