செங்களம் பர்ஸ்ட் லுக் வெளீயீடு

செங்களம் எனும் இணைய தொடரின் பர்ஸ்ட் லுக் மற்றும் முன்னோட்டம் வெளியீட்டு விழா சமீபத்தில் நடைபெற்றது. எஸ். ஆர். பிரபாகரன் இயக்கியுள்ள இந்த இணையத் தொடரில் கலையரசன், வாணி போஜன், பிரேம், டேனியல் போப், கஜராஜ், விஜி சந்திரசேகர், ஷாலி, கண்ணன் உள்ளிட்ட பலர் நடித்திருக்கிறார்கள். ஒளிப்பதிவு வெற்றி மகேந்திரன், இசை தரண் குமார். இந்த இணையத் தொடரை அபி அண்ட் அபி எண்டர்டெய்ன்மென்ட் தயாரிப்பாளர் அபினேஷ் இளங்கோவன் தயாரித்திருக்கிறார். விழாவில் இயக்குநர் எஸ். ஆர். பிரபாகரன் பேசுகையில், விருதுநகர் நகராட்சியின் தலைவராக நாற்பது ஆண்டுகளுக்கு மேலாக பணியாற்றிய அரசியல்வாதி ஒருவரின் வாழ்க்கை வரலாற்றை சுருக்கமாகவும் சுவராசியமாகவும் விவரிக்கும் தொடர் இது என்றார். ஒன்பது அத்தியாயங்களாக உருவாகி இருக்கும் இந்த இணைய தொடர் ஜீ 5 ஓடிடி தளத்தில் இம்மாதம் 24ஆம் தேதியன்று வெளியாகவுள்ளது.