சென்னையில் நாளை தி.மு.க. மாவட்ட செயலாளர்கள் கூட்டம்

சென்னை : தி.மு.க. மாவட்ட செயலாளர்கள் கூட்டம் சென்னையில் நாளை முதல்வர் மு.க. ஸ்டாலின் தலைமையில் நடைபெறும் என அறிவிக்கப்பட்டுள்ளது.

தி.மு.க. தலைவரும், முதல்வருமான மு.க.ஸ்டாலின் தலைமையில் தி.மு.க. மாவட்ட செயலாளர்கள், தலைமை கழகத்தால் நியமிக்கப்பட்ட தொகுதி பார்வையாளர்கள் கலந்தாலோசனை கூட்டம் நாளை 1-ம் தேதி காலை 10.30 மணியளவில் காணொலி காட்சி வாயிலாக நடைபெறும் என அறிவிக்கப்பட்டுள்ளது.

இந்த கூட்டத்தில் மாவட்ட செயலாளர்கள், தொகுதி பார்வையாளர்கள், அமைச்சர்கள் அனைவரும் தவறாமல் கலந்து கொள்ள வேண்டும் என்று தெரிவிக்கப்பட்டுள்ளது.

மாவட்ட செயலாளர்கள் கூட்டத்தில் பாராளுமன்ற தேர்தல் விவகாரம், தேர்தல் பணிகள் உள்ளிட்ட விஷயங்கள் குறித்து விவாதிக்கப்படும் என்று எதிர்பார்க்கப்படுகிறது.