முக்கிய செய்திகள்
Idhayam Matrimony

குத்துச்சண்டை: இந்தியாவுக்கு பதக்கம்

செவ்வாய்க்கிழமை, 5 டிசம்பர் 2023      விளையாட்டு
India 2023-12-05

Source: provided

ஆர்மினியாவில் நடைபெறும் ஜூனியர் உலக குத்துச்சண்டை சாம்பியன்ஷிப்பில் இந்தியாவுக்கு திங்கள்கிழமை 3 வெள்ளிப் பதக்கங்கள் கிடைத்தன. ஆசிய ஜூனியர் சாம்பியனான ஹர்திக் பன்வர், ஆடவர் 80 கிலோ பிரிவு இறுதிச்சுற்றில் 2-3 என்ற புள்ளிகள் கணக்கில் ரஷியாவின் அஷுரோவ் பைராம்கானிடம் தோல்வியைத் தழுவி 2-ஆம் இடம் பிடித்தார். 

மகளிர் 54 கிலோ பிரிவில் அமிஷா 0-5 என்ற கணக்கில் கஜகஸ்தானின் அயாஸான் ஜிடிக்கிடமும், 80+ கிலோ பிரிவில் பிராச்சி 0-5 என்ற புள்ளிகள் கணக்கில் உஸ்பெகிஸ்தானின் சோபிராகோன் ஷகோபிடினோவாவிடமும் வெற்றியை இழந்து வெள்ளி பெற்றனர். ஏற்கெனவே, நேஹா (46 கிலோ), நிதி (66 கிலோ), பரி (50 கிலோ), கிருத்திகா (75 கிலோ), சிகந்தர் (48 கிலோ) ஆகியோர் அரையிறுதியில் தோல்வி கண்டு வெண்கலப் பதக்கம் பெற்றுள்ளனர். இத்துடன் இப்போட்டியில் இந்தியா 8 பதக்கங்களைக் கைப்பற்றியிருக்கிறது.

______________

இன்று நியூசி., - வங்கதேச டெஸ்ட் 

நியூசிலாந்து கிரிக்கெட் அணி வங்காளதேசத்தில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் ஆடி வருகிறது. இரு அணிகளுக்கும் இடையிலான முதலாவது டெஸ்ட் போட்டியில் நியூசிலாந்துக்கு அதிர்ச்சி அளித்து 150 ரன் வித்தியாசத்தில் வங்காளதேசம் அபார வெற்றி பெற்றது. இந்நிலையில் இரு அணிகளுக்கும் இடையிலான 2வது மற்றும் கடைசி டெஸ்ட் போட்டி டாக்காவில் இன்று தொடங்க உள்ளது. 

இந்த தொடரை சமன் செய்ய வேண்டுமானால் கட்டாயம் வெற்றி பெற்றே ஆக வேண்டும் என்ற நெருக்கடியில் நியூசிலாந்து அணி ஆட உள்ளது. அதேவேளையில் கடந்த ஆட்டத்தைபோல் இந்த ஆட்டத்திலும் நியூசிலாந்துக்கு அதிர்ச்சி அளித்து தொடரை கைப்பற்றும் முனைப்புடன் வங்காளதேசம் உள்ளது. இதனால் ஆட்டத்தில் பரபரப்புக்கு பஞ்சம் இருக்காது.

______________

ஜிம்பாப்வே டி-20 அணி அறிவிப்பு

அயர்லாந்து கிரிக்கெட் அணி ஜிம்பாப்வேயில் சுற்றுப்பயணம் மேற்கொண்டு 3 டி20 மற்றும் 3 ஒருநாள் போட்டிகள் கொண்ட தொடரில் பங்கேற்று ஆட உள்ளது. இந்த தொடர் வரும் 7ம் தேதி ஹராரேவில் தொடங்க உள்ளது. இந்நிலையில் அயர்லாந்துக்கு எதிரான டி20 தொடருக்கான ஜிம்பாப்வே கிரிக்கெட் அணி நேற்று அறிவிக்கப்பட்டுள்ளது. இந்த அணிக்கு சிக்கந்தர் ராசா கேப்டனாக நியமிக்கப்பட்டுள்ளார். இந்த அணியில் பல இளம் வீரர்களுக்கு வாய்ப்பு அளிக்கப்பட்டுள்ளது.

அயர்லாந்துக்கு எதிரான டி20 தொடருக்கான ஜிம்பாப்வே அணி விவரம்., சிக்கந்தர் ராசா (கேப்டன்), பிரையன் பென்னட், ரியான் பர்ல், கிரேக் எர்வின், ட்ரெவர் குவாண்டு, லூக் ஜோங்வே, கிளைவ் மடாண்டே, வெஸ்லி மாதேவெரே, தடிவானாஷே மருமணி, பிராண்டன் மவுடா, கார்ல் மும்பா, டோனி முனியோங்கா, பிளெஸிங் முசரபானி,ரிச்சர்ட் ங்வாரா, சீன் வில்லியம்ஸ்.

______________

மே.இ.தீவுகள்-இங்கி., 2-வது ஒருநாள்

ஜோஸ் பட்லர் தலைமையிலான இங்கிலாந்து கிரிக்கெட் அணி வெஸ்ட் இண்டீசில் சுற்றுப்பயணம் செய்து 3 போட்டிகள் கொண்ட ஒருநாள் தொடரில் விளையாடி வருகிறது. இதில் நடந்த முதலாவது ஆட்டத்தில் வெஸ்ட் இண்டீஸ் அணி வெற்றி பெற்று தொடரில்  1-0 என்ற கணக்கில் முன்னிலையில் உள்ளது. இந்நிலையில் இவ்விரு அணிகளுக்கு இடையேயான 2-வது ஆட்டம் இன்று நடைபெற உள்ளது.

முதலாவது ஆட்டத்தில் ஏற்பட்ட தோல்விக்கு இங்கிலாந்து அணி பதிலடி கொடுக்குமா? என்ற ஆவல் ரசிகர்களிடையே எழுந்துள்ளது. மேலும் இந்த ஆட்டத்தில் வெற்றி பெற்றால் தொடரை கைப்பற்றி விடலாம் என்பதால் வெஸ்ட் இண்டீஸ் வீரர்கள் தீவிர முனைப்புடன் பயிற்சி மேற்கொண்டு வருகின்றனர். எனவே இந்த ஆட்டத்தில் விறுவிறுப்புக்கு பஞ்சம் இருக்காது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 7 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 7 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 9 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 9 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.