ரெட் பிளவர் திரை விமர்சனம்

கதை 2047 ல் நடக்கிறது. மூன்றாவது உலகப் போர் முடிவடைந்து, உலக நாடுகள் பலவற்றை தனது கட்டுப்பாட்டில் வைத்திருக்கும் ராணுவ கூட்டமைப்பு ஒன்று இந்தியாவையும் குறிவைக்கிறது. அதன் செயல்பாடுகளை முறியடிப்பதற்காக உளவுத்துறை அதிகாரி நாயகன் விக்னேஷ் மூலம் இந்திய அரசு ஆபரேஷன் ‘ரெட் பிளவர்’-ரை கையில் எடுக்கிறது. ரெட் பிளவரின் செயல்பாடுகள் என்னென்ன  என்பதை முழுக்க கிராபிக்ஸ் பின்னணியில் சொல்வதே ‘ரெட் பிளவர்’ படம். .நாயகன் மற்றும் வில்லன் என்று இரண்டு வேடங்களில் நடித்திருக்கும் விக்னேஷ், மாறுபட்ட வேடங்களில் ஸ்டைலிஷ் ஆக்‌ஷன் ஹீரோவாக வலம் வருகிறார். நாயகி மணிஷா ஜெஷ்னானி, கவர்ச்சியில் கிரங்கடிக்கிறார். ஒய்.ஜி.மகேந்திரன், நாசர், தலைவாசல் விஜய் ஆகியோரது அனுப நடிப்பு படத்திற்கு பெரிய பலம் சேர்த்திருக்கிறது. தேவ சூர்யாவின் ஒளிப்பதிவும் சந்தோஷ் ராமின் இசையும் ஓகே ரகம். எழுதி இயக்கியிருக்கும் ஆண்ட்ரூ பாண்டியன், கதைக்கருவில் தொலைநோக்கு பார்வை வைத்தது போல அதை காட்சி மொழியிலும் கொடுத்து இருந்தால் இந்த சிவந்த பூ  மனம் வீசியிருக்கும்.