பெண்களுக்கான டி - 20 கிரிக்கெட் போட்டியில் வெஸ்ட் இண்டீஸை 10 விக்கெட் வித்தியாசத்தில் வீழ்த்தியது இந்தியா

அடிலெய்டு : வெஸ்ட் இண்டீஸ் அணிக்கெதிரான பெண்கள் டி - 20 கிரிக்கெட் போட்டியில் இந்திய அணி 10 விக்கெட் வித்தியாசத்தில் அபார வெற்றி பெற்றது.

வெஸ்ட் இண்டீஸ் - இந்தியா பெண்கள் அணிகளுக்கு இடையிலான 2 - வது டி20 கிரிக்கெட் போட்டி அடிலெய்டுவில் நடைபெற்றது. இதில் டாஸ் வென்ற வெஸ்ட் இண்டீஸ் பெண்கள் அணி பேட்டிங்கை தேர்வு செய்தது. இந்திய வீராங்கனைகளின் துல்லியமான பந்து வீச்சால் வெஸ்ட் இண்டீஸ் 20 ஓவரில் 7 விக்கெட் இழப்பிற்கு 103 ரன்களே எடுத்தது. வெஸ்ட் இண்டீஸ் வீராங்கனைகளில் மேத்யூஸ் 23 ரன்களும், நேஷன் 32 ரன்களும், மெக்லி்ன் 17 ரன்களும் அடித்தனர். பின்னர் 104 ரன்கள் அடித்தால் வெற்றி என்ற இலக்குடன் இந்திய வீராங்கனைகள் ஷஃபாலி் வர்மா, ஸ்மிரிதி மந்தனா ஆகியோர் களம் இறங்கினர். இருவரும் தொடக்கும் முதலே அதிரடி ஆட்டத்தை வெளிப்படுத்தினர். இதனால் இந்தியா விக்கெட் இழப்பின்றி 10.3 ஓவரிலேயே இலக்கை எட்டி 9 விக்கெட் வித்தியாசத்தில் அபார வெற்றி பெற்றது. ஷஃபாலி வர்மா 35 பந்தில் 69 ரன்களும், மந்தனா 28 பந்தில் 30 ரன்களும் அடித்து ஆட்டமிழக்காமல் இருந்தனர். ஏற்கனவே நடைபெற்ற முதல் ஆட்டத்திலும் இந்தியாவே வெற்றி பெற்றிருந்தது குறிப்பிடத்தக்கது.