புதுச்சேரி : புதுச்சேரியில் ரங்கசாமிதான் முதலமைச்சர் என்றும் பதவிக்கு போட்டியில்லை என்றும் பா.ஜ.க மேலிடம் அறிவித்துள்ளது.
30 தொகுதிகளைக் கொண்ட புதுச்சேரி மாநில சட்டசபைத் தேர்தலில் பா.ஜ.க அங்கம் வகிக்கும் தேசிய ஜனநாயகக் கூட்டணியில் என்.ஆர்.காங்கிரஸ் 16 தொகுதிகளிலும், பா.ஜ.க 9 தொகுதிகளிலும், அ.தி.மு.க 5 தொகுதிகளிலும் போட்டியிட்டன. என்.ஆர்.காங்கிரஸ் 10 தொகுதிகளிலும், பா,ஜனதா 6 தொகுதிகளிலும் வெற்றிபெற்றுள்ளன.
இந்நிலையில் கூட்டணி அரசு அமைப்பது தொடர்பாக பா.ஜ.க. அலுவலகத்தில் ஆலோசனை நடைபெற்றது.
புதுச்சேரியில் தேசிய ஜனநாயகக் கூட்டணித் தலைவர் ரங்கசாமிதான் என்றும், முதலமைச்சர் பதவிக்கு பா.ஜ.க. சார்பில் போட்டியில்லை என்றும் பா.ஜ.க. மேலிடப் பொறுப்பாளர் நிர்மல் குமார் சுரானா தெரிவித்துள்ளார்.
