இன்று பிரதமரை சந்திக்கிறார் தமிழக கவர்னர் ஆர்.என்.ரவி

அ+ அ-

Source: provided

புதுடெல்லி : நீட் தேர்வில் இருந்து தமிழகத்திற்கு விலக்கு அளிக்க முதல்வர் ஸ்டாலின் வலியுறுத்திய நிலையில், பிரதமர் மோடியை இன்று டெல்லியில் சந்திக்கிறார் தமிழக கவர்னர் ஆர்.என்.ரவி.

நீட் தேர்வில் இருந்து தமிழகத்திற்கு விலக்கு அளிக்கும் சட்ட மசோதா தமிழக சட்டப்பேரவையில் கடந்த செப்டம்பர் 13-ம் தேதி ஒரு மனதாக நிறைவேற்றப்பட்டது. இந்த சட்ட மசோதாவிற்கு ஒப்புதல் வழங்க வேண்டும் என்று தமிழக கவர்னர் ஆர்.என்.ரவியை முதல்வர் ஸ்டாலின் கடந்த அக்டோபர் 13-ம் தேதி நேரில் சந்தித்து கோரிக்கை வைத்தார்.

இந்த நிலையில் 6 நாள் பயணமாக நேற்று மாலை டெல்லி சென்றார் கவர்னர். அவர் இன்று காலை பிரதமரை சந்திக்கிறார். இந்த சந்திப்பின் போது நீட் தேர்வில் இருந்து தமிழகத்திற்கு விளக்கு அளிக்கும் சட்ட மசோதா குறித்து பிரதமரிடம் ஆலோசிக்க இருப்பதாக தகவல் வெளியாகி உள்ளது. மேலும் பிரதமருடன் சந்திப்பு முடிந்தவுடன் மூத்த அமைச்சர்களையும் கவர்னர் சந்திக்க திட்டமிட்டு இருப்பதாக தகவல் வெளியாகி உள்ளது.

தமிழக கவர்னராக பொறுப்பேற்ற பின் முதல் முறையாக பிரதமரை கவர்னர் சந்திக்க உள்ளதால் இந்த சந்திப்பு மிக முக்கியமானதாக பார்க்கப்படுகிறது. இந்த மாத தொடக்கத்தில் டெல்லி சென்றபோது உள்துறை அமைச்சர், குடியரசுத் தலைவர் ஆகியோரை தமிழக கவர்னர் சந்தித்து பேசியது குறிப்பிடத்தக்கது.

இதை ஷேர் செய்திடுங்கள்:

வீடியோ

மாணவர்ளின் ஜீப்பை பந்தாடிய யானை...!	எரிமலை விளிம்புக்குள் பறந்து திரும்பிய விமானி...!	வரவேற்புக்கு பொக்லைனில் வந்த புதுமணத் தம்பதி டிரைவர் செய்த தவறால் புதுமணத் தம்பதிக்கு நேர்ந்த கதி.!
வெள்ளை படுதல் குணமாக 5 எளிய மருத்துவ முறைகள்\|Vellai Paduthal 5 Tips \| P. புஷ்பமாரி சித்த மருத்துவர்	முழங்கால் அளவு மழை நீரில் மிதந்த அரசு மருத்துவமனை...!	சர்ச்சையை கிளப்பிய பாகிஸ்தான் மாடல் அழகியின் வீடியோ...!