முக்கிய செய்திகள்
Idhayam Matrimony

மத்திய அரசின் அவசர சட்ட விவகாரம்: கெஜ்ரிவாலுக்கு சரத் பவார் ஆதரவு

வியாழக்கிழமை, 25 மே 2023      இந்தியா
Sarath-Pawar 2023 05-25

Source: provided

மும்பை: மத்திய அரசின் அவசர சட்ட விவகாரத்தில் டெல்லி முதல்வர் கெஜ்ரிவாலுக்கு தேசியவாத காங்கிரஸ் கட்சி தலைவர் சரத் பவார் தனது ஆதரவை வழங்கி உள்ளார்.

தேசியவாத காங்கிரஸ் கட்சியின் தலைவர் சரத் பவாரை சந்திப்பதற்காக மராட்டியத்தின் மும்பை நகரில் உள்ள யஷ்வந்த்ராவ் சவான் மையத்திற்கு, ஆம் ஆத்மியின் தேசிய ஒருங்கிணைப்பாளரான டெல்லி முதல்வர் கெஜ்ரிவால் நேற்று காரில், நேரில் சென்றார். 

அவருடன் பஞ்சாப் முதல்வர் பகவந்த் மான், ஆம் ஆத்மி கட்சியின் எம்.பி. ராகவ் சத்தா, டெல்லி மந்திரி அதிஷி மற்றும் கட்சியின் பிற தலைவர்கள் சென்றனர். அவர்களை தேசியவாத காங்கிரஸ் கட்சியின் மூத்த தலைவரான அஜித் பவார் உள்ளிட்டோர் பூங்கொத்து கொடுத்து வரவேற்றனர்.

இதன்பின்பு, சரத்பவாருடனான சந்திப்பு நடந்தது. சந்திப்புக்கு பின் கெஜ்ரிவால் கூறும்போது, டெல்லி அரசுக்கு எதிரான மத்திய அரசின் அவசர சட்டம் ராஜ்யசபையில் தோல்வியடைய செய்யும் வகையில், எங்களுக்கு ஆதரவு வழங்கப்படும் என சரத் பவார்ஜி உறுதி கூறியுள்ளார்.

பா.ஜ.க. அல்லாத அனைத்து கட்சிகளிடம் இருந்தும் ஆதரவை பெற நாங்கள் முயற்சித்து வருகிறோம். இந்த விவகாரத்தில், காங்கிரஸ் தலைவர் மல்லிகார்ஜூன கார்கே மற்றும் ராகுல் காந்தியை நேரில் சந்திப்பதற்காக நாளை நேரம் கேட்க இருக்கிறேன் என அவர் கூறியுள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து