மும்பை : உலகக் கோப்பை கிரிக்கெட் வரலாற்றில் கிரிக்கெட் வீரர்கள் பலர் தங்களது சாதனைகளை வெளிப்படுத்தியிருக்கின்றனர். பல முறை தங்களது அணிகளுக்காக வெற்றியையும் தேடித் தந்திருக்கிறார்கள். உலகக் கோப்பை கிரிக்கெட் வரலாற்றில் அதிக ரன்கள் குவித்து முதல் 10 இடங்களில் இருப்பவர்களை பின்வருமாறு காணலாம்.

சச்சின் டெண்டுல்கர் (இந்தியா)

உலகக் கோப்பை கிரிக்கெட் வரலாற்றில் அதிக ரன்கள் குவித்தவர்கள் பட்டியலில் சச்சின் டெண்டுல்கர் முதலிடத்தில் இருக்கிறார். 45 போட்டிகளில் விளையாடியுள்ள அவர் 2,278 ரன்கள் குவித்துள்ளார். அவரது சராசரி 56.95 ஆக உள்ளது. அவரது ஸ்டிரைக் ரேட் 88.98 ஆகும். உலகக் கோப்பை போட்டிகளில்  சச்சின் டெண்டுல்கர் 6 சதங்கள் மற்றும் 15 அரைசதங்கள் எடுத்துள்ளார். அவரது சிறந்த ஸ்கோர் 152. உலகக் கோப்பை போட்டிகளில் அதிகம் சதம் அடித்தவரும் இவரே. கடந்த 1996 மற்றும் 2003 ஆம் ஆண்டு நடைபெற்ற உலகக் கோப்பை தொடர்களில் அதிகபட்சமாக முறையே 523 ரன்கள் மற்றும் 673 ரன்கள் குவித்தார். கடந்த 2003 ஆம் ஆண்டு நடைபெற்ற உலகக் கோப்பை தொடரில் சச்சின் டெண்டுல்கர் அடித்த 673 ரன்களே தனி நபர் ஒருவரால் ஒரு உலகக் கோப்பை தொடரில் அதிகபட்சமாக அடிக்கப்பட்ட ஸ்கோர் ஆகும்.

ரிக்கி பாண்டிங் (ஆஸ்திரேலியா) 

உலகக் கோப்பை தொடரில் 46 போட்டிகளில் விளையாடியுள்ள ரிக்கி பாண்டிங் 1,743 ரன்கள் குவித்துள்ளார். அவரது சராசரி 45.86 ஆக உள்ளது. அவரது ஸ்டிரைக் ரேட் 79-க்கும் அதிகமாக உள்ளது. அவர் 5 சதங்கள் மற்றும் 6  அரைசதங்கள் எடுத்துள்ளார். அவரது சிறந்த ஸ்கோர் 140*. இதனை அவர் இந்தியாவுக்கு எதிரான 2003 ஆம் ஆண்டு நடைபெற்ற உலகக் கோப்பை இறுதிப் போட்டியில் எடுத்தார்.

குமார் சங்ககாரா (இலங்கை)

உலகக்  கோப்பை தொடரில் 37 போட்டிகளில் விளையாடியுள்ள சங்ககாரா 1,532 ரன்கள் குவித்துள்ளார். அவரது சராசரி 56.74 ஆக உள்ளது. அவரது ஸ்டிரைக் ரேட் 86.55 ஆகும். அவர் 5 சதங்கள் மற்றும் 7 அரைசதங்கள் எடுத்துள்ளார். அவரது சிறந்த ஸ்கோர் 124.

பிரையன் லாரா (மே.இ.தீவுகள்)

பிரையன் லாரா உலகக் கோப்பை தொடரில் 34 போட்டிகளில் விளையாடியுள்ளார். அவர் 1,225 ரன்கள் குவித்துள்ளார். அவரது சராசரி 42.24 ஆக உள்ளது. அவரது ஸ்டிரைக் ரேட் 86-க்கும் அதிகமாக உள்ளது. அவர் 2 சதங்கள் மற்றும் 7  அரைசதங்கள் எடுத்துள்ளார். அவரது சிறந்த ஸ்கோர் 116.

ஏபி டி வில்லியர்ஸ் (தென்னாப்பிரிக்கா)

கடந்த 2007 ஆம் ஆண்டு நடைபெற்ற உலகக் கோப்பை தொடரில் உலகக் கோப்பை போட்டிகளில் அறிமுகமானார் டி வில்லியர்ஸ். அடுத்த மூன்று உலகக் கோப்பை தொடர்களிலும் தனது சிறப்பான ஆட்டத்தை அவர் வெளிப்படுத்தினார். 23 போட்டிகளில் விளையாடியுள்ள அவர் 1,207 ரன்கள் குவித்துள்ளார். அவரது சராசரி 63.52 ஆக உள்ளது. அவரது ஸ்டிரைக் ரேட் 117-க்கும் அதிகமாக உள்ளது. அவரது சிறந்த ஸ்கோர் 162*. அவர் 4 சதங்கள் மற்றும் 6 அரைசதங்கள் எடுத்துள்ளார்.

கிறிஸ் கெயில் (மே.இ.தீவுகள்)

ஆடுகளத்தில் களமிறங்கினால் ரசிகர்களின் கண்களுக்கு விருந்து படைப்பவர் கிறிஸ் கெயில். உலகக் கோப்பையில் 35 போட்டிகளில் விளையாடியுள்ள அவர் 1,186 குவித்துள்ளார். அவரது சராசரி 35.93 ஆகும். ஸ்டிரைக் ரேட் 90.53 ஆக உள்ளது. அவர் 2 சதங்கள் மற்றும் 6 அரைசதங்கள் எடுத்துள்ளார். அவரது சிறந்த ஸ்கோர் 215. இதுவே உலகக் கோப்பை தொடரின் முதல் இரட்டை சதமாகும்.

சனத் ஜெயசூர்யா (இலங்கை)

உலகக் கோப்பையில் 38  போட்டிகளில் விளையாடியுள்ள சனத் ஜெயசூர்யா 1,165 ரன்கள் குவித்துள்ளார். அவரது சராசரி 34.26 ஆக உள்ளது. ஸ்டிரைக் ரேட் 90.66 ஆக உள்ளது. அவர் 3 சதங்கள் மற்றும் 6 அரைசதங்கள் எடுத்துள்ளார். அவரது சிறந்த ஸ்கோர் 120.

ஜாக் காலிஸ் (தென்னாப்பிரிக்கா)

உலகக் கோப்பையில் 36 போட்டிகளில் விளையாடியுள்ள தென்னாப்பிரிக்க ஆல்ரவுண்டர் ஜாக் காலிஸ் 1,148 ரன்கள் குவித்துள்ளார். அவரது சராசரி 45.92 ஆக உள்ளது. ஸ்டிரைக் ரேட் 74.40 ஆகும். அவர் ஒரு சதம் மற்றும் 9 அரைசதங்கள் எடுத்துள்ளார். அவரது சிறந்த ஸ்கோர் 128*.

ஷகிப் அல் ஹசன் (வங்கதேசம்)

உலகக் கோப்பை வரலாற்றில் வங்கதேசம் பெரிய தாக்கத்தை ஏற்படுத்தாவிட்டாலும், அந்த அணியின் ஆல்ரவுண்டர் ஷகிப் சிறப்பாக செயல்பட்டுள்ளார். 29 போட்டிகளில் விளையாடியுள்ள அவர் 1,146  ரன்கள் குவித்துள்ளார். அவரது சராசரி 45.84 ஆக உள்ளது. ஸ்டிரைக் ரேட் 82-க்கும் அதிகமாக உள்ளது. அவர் 2 சதங்கள் மற்றும் 10 அரைசதங்கள் எடுத்துள்ளார். அவரது சிறந்த ஸ்கோர் 124*. அவர் 2 சதங்கள் மற்றும் 5 அரைசதங்கள் எடுத்துள்ளார்.

திலகரத்னே தில்ஷன் (இலங்கை)

உலகக் கோப்பை தொடரில் 27 போட்டிகளில் விளையாடியுள்ள தில்ஷன் 1,112 ரன்கள் எடுத்துள்ளார். அவரது சராசரி 52.95 ஆக உள்ளது. ஸ்டிரைக் ரேட் 92-க்கும் அதிகமாக உள்ளது. அவர் 4 சதங்கள் மற்றும் 4 அரைசதங்கள் எடுத்துள்ளார். அவரது சிறந்த ஸ்கோர் 161*. 2011 ஆண்டு உலகக் கோப்பை தொடரில் அதிக ரன்கள் எடுத்த வீரராக தில்ஷன் உள்ளார். அவர் 2011 உலகக் கோப்பை தொடரில் 9 போட்டிகளில் 500 ரன்கள் எடுத்தார். அதில் 2 சதங்கள் மற்றும் 2 அரைசதங்கள் அடங்கும்.