கர்நாடக மாநிலத்திற்கு இன்று லாரிகளை இயக்க வேண்டாம் : லாரி உரிமையாளர்கள் சம்மேளனம் அறிவிப்பு

சென்னை : தமிழகத்தில் இருந்து கர்நாடகா வழியாக செல்லும் லாரிகளை இன்று இயக்க வேண்டாம் என மாநில லாரி உரிமையாளர்கள் சம்மேளனம் அறிவித்துள்ளது. 

காவிரி பிரச்சினை தொடர்பாக கர்நாடகாவில் இன்று முழு அடைப்பு போராட்டம் நடைபெறும் என அறிவிக்கப்பட்டு உள்ளது. இந்த நிலையில், தமிழகத்தில் இருந்து கர்நாடகா வழியாக செல்லும் லாரிகளை இன்று இயக்க வேண்டாம் என மாநில லாரி உரிமையாளர்கள் சம்மேளனம் அறிவித்து உள்ளது. 

அதே போல, வட மாநிலங்களில் இருந்து கர்நாடகா வழியாக தமிழகம் வரும் லாரிகளும் ஆங்காங்கே பாதுகாப்பாக நிறுத்தி வைக்கவும் எனவும், லாரிகள் அனைத்தும் அந்தந்த எல்லைகளில் நிறுத்த வேண்டும் என்றும் மாநில லாரி உரிமையாளர்கள் சம்மேளனம் அறிவித்துள்ளது.   

மேலும், தமிழ்நாடு லாரி மற்றும் லாரி ஓட்டுநர்களுக்கு கர்நாடக அரசு உரிய பாதுகாப்பு வழங்க வேண்டும் எனவும் கோரிக்கை விடுக்கப்பட்டு உள்ளது.