வினய் பரத்வாஜ் இயக்கத்தில் ரிச்சர்ட் ரிஷி,  புன்னகை பூ கீதா, யாஷிகா ஆனந்த் ஆகியோர்  நடித்துள்ள படம் சில நொடிகளில், நவம்பர் 24ஆம் தேதி திரையரங்குகளில் வெளியாக உள்ள இப்படத்தின் இசை வெளியீட்டு விழா சமீபத்தில் நடைபெற்றது. நிகழ்வில் பேசிய இயக்குநர் வினய் பரத்வாஜ்,  திரில்லர், மிஸ்ட்ரி, காதல் என எல்லாமே இதில் உண்டு. ஐந்து இசையமைப்பாளர்கள் இந்தப் படத்தில் உள்ளனர். கீதா மலேசியாவில் பாப்புலரான ஆர்.ஜே. படத்தில் வித்தியாசமான கீதாவைப் பார்ப்பீர்கள். பின்னர்  ரிச்சார்ட் ரிஷி பேசுகையில், படத்தில் ஐந்து அற்புதமான பாடல்களைக் கொடுத்த இசையமைப்பாளர்களுக்கும் நன்றி. இந்தப் படத்தில் நிறைய புது விஷயங்களைச் செய்திருக்கிறோம். சின்னப் படங்கள் எல்லாம் நிறைய ஜெயித்திருக்கிறது. அதனால், எங்கள் படங்களுக்கும் ஆதரவு கொடுங்கள் என்றார்.