தேவா இசையில் பிக்பாஸ் பாலாஜி முருகதாஸ் கதாநாயகனாக அறிமுகமாகியுள்ள படம் வா வரலாம் வா. எஸ்.ஜி.எஸ். கிரியேட்டிவ் மீடியா சார்பில் எஸ்.பி.ஆர் தயாரித்திருக்கும் இந்த படத்தை மாசாணி பட இயக்குனர் எல்.ஜி.ரவிசந்தர் இயக்கியுள்ளார். மஹானா சஞ்சீவி கதாநாயகியாக நடித்திருக்கிறார்.  மைம் கோபி, ரெடின் கிங்ஸ்லீ, காயத்ரி ரேமா, சரவண சுப்பையா உள்ளிட்டோருடன் 40 குழந்தைகளும் நடித்திருக்கிறார்கள்.  இந்நிலையில் இப்படத்தின் பாடல் வெளியீட்டு விழா சமீபத்தில் நடைபெற்றது. இப்படம்  டிசம்பர் 1- ல் திரையரங்குகளில் வெளிவருகிறது,  சிறை சென்று திரும்பிய இருவர் ஆடம்பர  வாழ்க்கை வாழ ஆசைப்பட்டு துணிகர செயல்களை செய்கிறார்கள். அதற்காக  40 குழந்தைகளுடன் ஒரு பேருந்தை கடத்தி வைத்து பணம் பறிக்க பெரும் திட்டம் வகுக்கின்றனர். இவர்கள் திட்டம் நிறைவேறியதா ? என்னவானது என்பதை பரபரப்புடன் சொல்லி இருக்கிறோம் என்று கூறினார் இயக்குனர் எல்.ஜி.ரவிசந்தர்.