தமிழகம் மற்றும் புதுச்சேரியில் தேர்தல் பிரச்சாரம் முடிய இன்னும் 2 நாட்களே உள்ளன : கொளுத்தும் வெயிலில் தலைவர்கள் தீவிர வாக்குசேகரிப்பு

ஞாயிற்றுக்கிழமை, 14 ஏப்ரல் 2024 தமிழகம்

அ+ அ-

Source: provided

மதுரை : தமிழகம் மற்றும் புதுச்சேரியில் பாராளுமன்ற தேர்தலுக்கான பிரச்சாரம் முடிய இன்னும் 2 நாட்களே உள்ளன. அதாவது வரும் 17-ம் தேதி மாலை 5 மணியுடன் அனல் பறக்கும் பிரச்சாரம் முடிவுக்கு வருகிறது. இதனால் தலைவர்கள் கொளுத்தும் வெயிலையும் பொருட்படுத்தாமல் சூறாவளி பிரச்சாரம் மேற்கொண்டு வாக்கு சேகரித்து வருகிறார்கள்.

பாராளுமன்ற தேர்தல் தமிழகம் மற்றும் புதுச்சேரியில் ஒரே கட்டமாக வரும் 19-ம் தேதி நடக்கிறது. இந்த தேர்தல் இந்திய வரலாற்றில் ஒரு முக்கிய தேர்தலாகவே பார்க்கப்படுகிறது. இத்தேர்தலில் காங்கிரஸ், 2 கம்யூனிஸ்ட் கட்சிகள், வி.சி.க., ம.தி.மு.க., போன்ற கட்சிகளோடு கூட்டணி அமைத்து தி.மு.க. போட்டியிடுகிறது. இக்கட்சியின் தலைவரும், தமிழக முதல்வருமான மு.க. ஸ்டாலின் தொகுதி, தொகுதியாக சென்று தமது கட்சி வேட்பாளர்களையும், கூட்டணி கட்சி வேட்பாளர்களையும் ஆதரித்து பிரச்சாரம் செய்து வருகிறார். குறிப்பாக தனது பிரச்சாரத்தில் அவர் பாரதீய ஜனதா கட்சியையே கடுமையாக விமர்சனம் செய்து வருகிறார்.

இதே போல தே.மு.தி.க., எஸ்.டி.பி.ஐ. போன்ற கட்சிகளோடு கூட்டணி அமைத்து அ.தி.மு.க. இந்த தேர்தலை சந்திக்கிறது. இக்கட்சியின் பொது செயலாளரும், முன்னாள் முதல்வருமான எடப்பாடி பழனிசாமி தமிழகம் முழுவதும் சுற்றுப்பயணம் செய்து அ.தி.மு.க. வேட்பாளர்களையும், கூட்டணி கட்சி வேட்பாளர்களையும் ஆதரித்து பிரச்சாரம் செய்து வருகிறார். இவரை பொறுத்தவரை தி.மு.க.வையே அதிகம் விமர்சனம் செய்து வருகிறார்.

ராமநாதபுரம் தொகுதியில் போட்டியிடும் முன்னாள் முதல்வர் ஓ. பன்னீர் செல்வம், திறந்த வேனில் சென்று வாக்கு சேகரித்து வருகிறார். அப்போது தனது சின்னமான பலாப்பழத்தை காட்டி அவர் வாக்கு சேகரித்து வருகிறார். நான் வெற்றி பெற்றால் ராம்கி ஆலையை மூடுவேன் என்பது போன்ற வாக்குறுதிகளை அவர் அளித்து வருகிறார். நேற்றும் அவர் கொளுத்தும் வெயிலில் பிரச்சாரம் செய்தார்.

கோவை பாராளுமன்ற தொகுதியில் போட்டியிடும் தமிழக பா.ஜ.க. தலைவர் அண்ணாமலை, கோவையில் மட்டுமின்றி கூட்டணி கட்சி வேட்பாளர்களுக்கும் ஆதரவு திரட்டி வருகிறார். நேற்று அவர் சூலூர் பகுதியில் திறந்த வேனில் வாக்கு சேகரித்தார்.

இந்த தேர்தலில் 40 தொகுதிகளிலும் சீமான் தலைமையிலான நாம் தமிழர் கட்சி தனித்து போட்டியிடுகிறது. நேற்று நாமக்கல்லில் சீமான் பிரச்சாரம் செய்து வாக்கு சேகரித்தார். அப்போது ஒரு தொண்டர், ஐ லவ் யூ என்று கூறினார். உடனே சீமான் மீ டூ என்றார். இதுவரை ஒன் சைடு லவ்வாக இருந்தது. இப்போது நீங்களும் நேசிக்க தொடங்கி விட்டீர்கள் என்று நெகிழ்ச்சியோடு கூறினார்.

இந்த தேர்தலில் போட்டியிடும் வேட்பாளர்கள் விதவிதமான உத்திகளை கையாண்டு வாக்கு சேகரித்து வருகிறார்கள். சிலர் தோசை சுட்டுக் கொடுத்தும், சிலர் புரோட்டோ போட்டு கொடுத்தும், சிலர் டீ போட்டுக் கொடுத்தும், சிலர் இளநீர் வெட்டி கொடுத்தும், இப்படி தங்களுக்கு தெரிந்த வித்தைகளை எல்லாம் கையாண்டு வாக்காளர்களை கவர்ந்து வருகிறார்கள்.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூளை பலம் பெற \| ஞாபக சக்தி பெருக \| மூளை சுறுசுறுப்பாக \| சுறுசுறுப்பு பெற - சித்த மருத்துவ குறிப்புக்கள் 1 year 1 week ago	புண்கள் குணமாக \| ஆறாத புண்களை ஆற்ற \| சிராய்ப்பு புண் \| மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 week ago	வாந்தி நிற்க \| கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக \| கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago	மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 1 year 3 months ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 1 year 3 months ago

வீடியோ

அடுக்குத் தும்மல் எதனால் வருகிறது அடுக்குத் தும்மலுக்கு இயற்கையான தீர்வு.	6 விதமான நோய்களை குணப்படுத்தும் மக்கா சோளம்.	எலும்புத் தேய்மானம் வராமல் தடுக்கும் அற்புத நீர்.
உடலுக்கு புத்துணர்ச்சியை தரும் அற்புதமான பானம் நியாபகசக்தி மற்றும் ஹீமோகுளோபினை அதிகரிக்கும்	கிட்டப்பார்வை தூரப்பார்வை குறைபாடுகளை சரிசெய்ய எளிய டிப்ஸ்	தோல் நோய் பிரச்சனைகள் வராமல் தடுப்பது எப்படி?

View all comments

வாசகர் கருத்து

அரசியல்

இந்தியா

சினிமா

ஆன்மிகம்