தங்கம் விலை அதிகரிப்பு

சென்னை : தங்கத்தின் விலை நேற்று முன்தினம் சவரனுக்கு ரூ.120 அதிகரித்த நிலையில் நேற்று மேலும் உயர்ந்து விற்பனையானது.

தங்கம் விலை கடந்த மாதத்தில் கிடுகிடுவென அதிகரித்து ஒரு சவரன் ரூ.55 ஆயிரத்தை கடந்தது. நடுத்தர மற்றும் ஏழை, எளிய மக்களுக்கு எட்டாக் கனியாகிவிடும் என்று நினைக்கத் தோன்றும் அளவுக்கு தங்கம் விலை தொடர்ந்து அதிகரித்தது. இதையடுத்து, நேற்று முன்தினம் தங்கம் விலை சவரனுக்கு ரூ.120 அதிகரித்த நிலையில், நேற்று மேலும் உயர்ந்து விற்பனையானது.

அதன்படி, சென்னையில் 22 கேரட் ஆபரணத் தங்கத்தின் விலை நேற்று சவரனுக்கு ரூ.280 உயர்ந்து ரூ.53,440-க்கு விற்பனையானது. ஆபரணத் தங்கம் கிராமுக்கு ரூ.35 உயர்ந்து ரூ.6,680-க்கு விற்பனையானது. வெள்ளி விலை கிராமுக்கு 80 காசுகள் அதிகரித்து ரூ.95.80-க்கு விற்பனையானது.