ஐஸ்வர்யா-உமாபதி திருமண வரவேற்பு

நடிகர் அர்ஜுன் மகள் ஐஸ்வர்யா, தம்பி ராமையா மகன் உமாபதி ஆகியோரின் காதல் திருமணம் கடந்த 10-ம் தேதி சென்னையில் நடந்தது .அதனை தொடர்ந்து சாலிகிராமத்தில் நடந்த திருமண வரவேற்பு நிகழ்ச்சியில் நடிகர் அர்ஜுன் பேசியதாவது, இந்த மேடையில் நான் இன்று ஒரு பெண்ணை கட்டிக்கொடுத்த தந்தையாகவும், மாமனாராகவும் நிற்கிறேன் .

என்னுடைய சினிமா வாழ்க்கை மேலே வந்து கீழே விழுந்து திரும்பவும் மேலே வந்து இப்போது சம நிலையில் போய்க்கொண்டிருக்கிறது.
தம்பி ராமையா உடன் பல படங்களில் நடித்திருக்கிறேன் ஆனால் இருவரும் சம்பந்தி ஆவோம் என எங்கள் இரண்டு பேருக்கும் தெரியாது நல்ல பண்போடு உள்ள குடும்பம்.

நான் நடத்திய ஒரு நிகழ்ச்சியில் உமாபதி ஒரு போட்டியாளராக பங்கேற்றார் அப்போதே எனக்கு அவரை ரொம்ப பிடிக்கும். அவர் விரைவில் ஒரு ஆக்ஷன் ஹீரோவாக உருவெடுப்பார். அதற்குரிய அனைத்து தகுதியும் அவரிடத்தில் உள்ளது என்றார். இதனைத்தொடர்ந்து பத்திரிக்கையாளர்கள் அவர்களுக்கு வாழ்த்துக்களை தெரிவித்தனர்.