சிறந்த கல்வி நிறுவனங்கள் பட்டியலில் வேலூர் வி.ஐ.டி. பல்கலை. முன்னேற்றம்

வேலூர், சர்வதேச அளவில் சிறந்த கல்வி நிறுவனங்களின் பட்டியலில் வேலூர் வி.ஐ.டி.  பல்கலைக்கழகம் 142-வது இடத்தைப் பிடித்துள்ளது. 

இது தொடர்பாக வேலூர் வி.ஐ.டி.  பல்கலைக்கழகம் வெளியிட்டுள்ள செய்திக்குறிப்பில் கூறியிருப்பதாவது: பல்வேறு நாடுகளில் உள்ள கல்வி நிறுவனங்கள், அவற்றின் கல்வித்தரம். ஆசிரியர்கள் நன்மதிப்பு, ஆராய்ச்சிக் கட்டுரைகள், சர்வதேச ஆராய்ச்சி வலையமைப்பு உள்ளிட்ட காரணிகளின் அடிப்படையில், ஆண்டுதோறும் சிறந்த கல்வி நிறுவனங்களின் தரவரிசைப் பட்டியலை க்யூ.எஸ் என்ற சர்வதேச நிறுவனம் வெளியிட்டு வருகிறது.

அதனடிப்படையில், நடப்பாண்டு இந்த அமைப்பு வெளியிட்ட தரவரிசைப் பட்டியலில் பொறியியல், தொழில்நுட்பத்தில் சர்வதேச அளவில் வேலூர் வி.ஐ.டி.  பல்கலைக்கழகம் 142-வது இடத்தைப் பிடித்துள்ளது. கடந்த ஆண்டைவிட 70  இடங்கள் முன்னேறியுள்ளது. இதேபோல, தேசிய அளவில் வி.ஐ.டி.  பல்கலைக்கழகம் 9-வது இடம் பிடித்து உள்ளது.

இவ்வாறு செய்திக் குறிப்பில் தெரிவிக்கப்பட்டு உள்ளது.