முக்கிய செய்திகள்
Idhayam Matrimony

ஆ.ராசா உள்பட 4 பேரின் நீதிமன்ற காவல் 20-ம் தேதிவரை நீட்டிப்பு

வெள்ளிக்கிழமை, 15 ஏப்ரல் 2011      அரசியல்
Image Unavailable

புதுடெல்லி, ஏப்.16 - 2 ஜி.ஸ்பெக்ட்ரம் ரூ.1.76 லட்சம் கோடி ஊழல் வழக்கில் ஆ.ராசா உட்பட 4 பேரின் நீதிமன்ற காவல் வருகிற 20 ம் தேதி வரை நீட்டிக்கப்பட்டுள்ளது. 2 ஜி.ஸ்பெக்ட்ரம் அலைக்கற்றை ஒதுக்கீட்டில் ரூ. 1.76 லட்சம் கோடிக்கு ஊழல் நடந்துள்ளதை அடுத்து தி.மு.க.வைச் சேர்ந்த முன்னாள் தொலைத் தொடர்புத்துறை அமைச்சர் ஆ.ராசாவை சி.பி.ஐ. அதிகாரிகள் ஏற்கனவே கைது செய்துள்ளனர். இவரது அப்போதைய உதவியாளர்கள் சித்தார்த் பெகூரா, சந்தோலியா ஆகியோரும் சி.பி.ஐ. அதிகாரிகளால் கைது செய்யப்பட்டனர். இந்த ஊழலில் தொடர்புடை ஸ்வான் டெலிகாம் தலைவர் பல்வாவும் கைது செய்யப்பட்டார்.  ஆரம்பத்தில் சி.பி.ஐ. காவலில் இருந்த இவர்கள் பிறகு நீதிமன்றக் காவலில் வைக்கப்பட்டனர். அதன்படி ஆ.ராசா உள்ளிட்ட இவர்கள் 4 பேரும் டெல்லியில் பாதுகாப்பு அதிகம் உள்ள திஹார் சிறையில் அடைக்கப்பட்டு இருந்தனர். இவர்களது நீதிமன்ற காவல் கடந்த 13 ம் தேதி  முடிவடைந்ததை அடுத்து இவர்கள் நால்வரும் கடந்த 13 ம் தேதி டெல்லியில் உள்ள சி.பி.ஐ. சிறப்பு நீதிமன்றத்தில் நீதிபதி ஓ.பி.ஷைனி முன்னிலையில் ஆஜர்படுத்தப்பட்டனர். அப்போது இவர்களது நீதிமன்றக் காவலை 15 ம் தேதிவரை (அதாவது நேற்றுவரை) நீட்டித்து நீதிபதி ஷைனி  உத்தரவிட்டார். இதையடுத்து அவர்கள் 4 பேரும் காவல் வாகனத்தில் ஏற்றப்பட்டு திஹார் சிறைக்கு கொண்டுசெல்லப்பட்டனர். அங்கு அவர்கள் சிறை அதிகாரிகளிடம் ஒப்படைக்கப்பட்டு நீதிமன்ற காவலில் வைக்கப்பட்டனர். 

நேற்று இந்த நீதிமன்ற காவல் முடிவடைந்ததை அடுத்து இவர்கள் 4 பேரும் நேற்று மீண்டும் சி.பி.ஐ. சிறப்பு நீதிமன்றத்தில் ஆஜர்படுத்தப்பட்டனர். அப்போது ஆ.ராசா உள்ளிட்ட இவர்கள் 4 பேரையும் வருகிற 20 ம் தேதிவரை நீதிமன்ற காவலில் வைக்க சிறப்பு நீதிமன்ற நீதிபதி ஓ.பி.ஷைனி உத்தரவிட்டார். இதையடுத்து அவர்கள் நான்குபேரும் மீண்டும் திஹார் சிறையில் அடைக்கப்பட்டனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago