முக்கிய செய்திகள்
Idhayam Matrimony

அனைத்து கடைகளும் மூடப்பட்டிருக்கும்: பஸ்கள் ஓடாது: தமிழகத்தில் இன்று முழு ஊரடங்கு அமல்: விதிகளை மீறுவோர் மீது வழக்கு பதிவாகும்

சனிக்கிழமை, 24 ஏப்ரல் 2021      தமிழகம்
Image Unavailable

Source: provided

சென்னை : கொரோனா பரவல் உச்சத்தை எட்டி வருவதால் இரவு நேர ஊரடங்கும், ஞாயிற்றுக்கிழமை முழு ஊரடங்கும் அமல்படுத்தப்படுகிறது. இன்று(நேற்று) இரவு தொடங்கும் 36 மணி நேர முழு ஊரடங்கு காரணமாக பொதுமக்கள் அவசியமான காரணமின்றி வெளியில் வந்தால் வழக்குப்பதிவும், வாகனம் பறிமுதலும் செய்யப்படும் என காவல்துறை அறிவித்துள்ளது.இன்று ஞாயிற்றுக்கிழமை முழு ஊரடங்கு அமல்படுத்தப்பட்டதையொட்டி அனைத்து கடைகளும் மூடப்பட்டிருக்கும். பஸ்களும் ஓடாது. விதிகளை மீறுவோர் மீது வழக்குப் பதிவு செய்யவும் உத்தரவிடப்பட்டுள்ளது. 

தமிழகத்தில் கொரோனா பரவல் காரணமாக கடந்த ஆண்டு மார்ச் மாதம் 25-ம் தேதி முதல் அமலான ஊரடங்கு தொடர்ந்து 10 மாதங்கள் நீட்டிக்கப்பட்டது. இடையில் தொற்று குறைவதை அடுத்து பல்வேறு தளர்வுகள் அறிவிக்கப்பட்டன.  ஆனால் மார்ச் மாதம் மீண்டும் பரவத் தொடங்கிய கொரோனாவின் இரண்டாவது அலை ஒரே மாதத்தில் 3 மாதத்தில் எட்டவேண்டிய உச்சத்தைத் தாண்டியது. தினம் கொரோனா தொற்றால் பாதிக்கப்படுபவர்கள் எண்ணிக்கை கடந்த ஆண்டின் உச்சமான 6,900-ஐ தாண்டி தினம் 14,000 என்கிற அளவுக்கு செல்கிறது.

இதையடுத்து ஆலோசனை நடத்திய தலைமைச் செயலர் பல்வேறு கட்டுப்பாடுகளை விதித்து அறிவிப்பு வெளியிட்டார். அதன்படி தினமும் இரவு 10 மணி முதல் இரவு நேர ஊரடங்கும், ஞாயிற்றுக்கிழமை முழு ஊரடங்கும் அமலாகும் என அறிவிக்கப்பட்டது. அதன்படி வார இறுதி நாள் ஊரடங்கு இன்று(நேற்று) இரவு தொடங்கி திங்கள் கிழமை காலை வரை 36 மணி நேரம் அமல்படுத்தப்படுகிறது.

கொரோனா பரவலைக் கட்டுப்படுத்துவதற்காக திருவிழாக்களுக்குத் தடை, பேருந்துகளில் இருக்கைகளில் அமர்ந்து செல்வதற்கு மட்டுமே அனுமதி, திரையரங்குகள், மால்கள் போன்றவற்றில் 50 சதவிகிதம் பேருக்கு மட்டுமே அனுமதி, ஆட்டோக்களில் 2 பேருக்கு மட்டுமே அனுமதி என பல கட்டுப்பாடுகள் விதிக்கப்பட்டன.  திருமண நிகழ்வுகளில் 100 நபர்கள் வரை மட்டுமே அனுமதி. இறுதி ஊர்வலங்களில் 50 பேர் மட்டுமே கலந்து கொள்ள அனுமதி என்பது போன்ற பல கட்டுப்பாடுகள் அமல்படுத்தப்பட்டன. 

ஞாயிற்றுக்கிழமை முழு ஊரடங்கு அன்று மருத்துவம், பால், பேப்பர் விநியோகம் சார்ந்தவைகளுக்கு மட்டுமே அனுமதி என அறிவிக்கப்பட்டது.  திருமணம் சுப நிகழ்ச்சிகள் முன்னரே முடிவு செய்திருந்தால் அதற்கான அழைப்பிதழைக் காட்டி செல்லலாம், தேவையின்றி வெளியில் சுற்றினால் வழக்குப்பதிவு செய்து அவர்கள் வந்த வாகனமும் பறிமுதல் செய்யப்படும் என சென்னை காவல் ஆணையர் அறிவித்துள்ளார். இதே போன்று மாவட்டங்களிலும் மாவட்ட கலெக்டர்கள் அறிவுறுத்தியுள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.