முக்கிய செய்திகள்
Idhayam Matrimony
Cooking time in minutes: 
30
Ingredients: 

 

டெவில் எக் செய்யத் தேவையான பொருள்கள்;

 

  1. முட்டை - 130.
  2. கைமா செய்த  போன்லெஸ் சிக்கன் - 6 கிலோ.
  3. ரீபைண்ட் ஆயில்  - 6 லிட்டர்.
  4. பிரியாணி இலை - 100 கிராம்.
  5. பொடியாக நறுக்கிய வெங்காயம்   - 6 கிலோ.
  6. பொடியாக நறுக்கிய பச்சை மிளகாய் – ½  கிலோ.
  7. மிளகாய் தூள் – ½  கிலோ.
  8. இஞ்சி பூண்டு விழுது – ½  கிலோ.
  9. மஞ்சள் தூள் – ¼   கிலோ.
  10. தனியா தூள்  - ½  கிலோ.
  11. தக்காளி சாஸ்  - 1 கிலோ.
  12. பிரட் தூள் 4 கிலோ.
  13. அரிசி மாவு - 1 கிலோ
  14. மைதா மாவு - 1 கிலோ.
  15. உப்பு -  தேவையான அளவு.

 

 

 

 

Method: 

 

செய்முறை ;

  1. ஒரு வெளி இடத்தில் மூன்று கல் வைத்து, விறகு அடுப்பை அமைத்து  நன்றாக தணல் வரும் படி தயார் செய்து கொள்ளவும்.
  2. ஒரு பெரிய பாத்திரத்தை வைத்து பாதி தண்ணீர் ஊற்றி 100 முட்டைகளை வேக வைத்துக்கொள்ளவும்.
  3. முட்டைகளை நன்றாக ஆற விட்டு முட்டை ஓட்டில் இருந்து முட்டையை எடுத்து பாதியாக அறுத்து வைத்துக்கொள்ளவும்.
  4. அடுப்பில் பாத்திரத்தை வைத்து ஒரு லிட்டர் ரிபைன்ட்  ஆயில் ஊற்றவும்.
  5. எண்ணெய் சூடானவுடன் 100 கிராம் பிரியாணி இலையை போட்டு வதக்கவும்.
  6. பொடியாக நறுக்கிய பச்சை மிளகாய்  ½  கிலோ, பொடியாக நறுக்கிய பெரிய வெங்காயம்   6 கிலோ போட்டு பொன்னிறமாக வதக்கவும்.
  7. மிளகாய் தூள் ½  கிலோ,இஞ்சி பூண்டு விழுது ½  கிலோ,மஞ்சள் தூள் ¼ கிலோ. தனியா தூள் ½  கிலோ,அரிசி மாவு ஒரு கிலோ போட்டு வதக்கவும்.
  8. கைமா செய்த  போன்லெஸ் சிக்கன் 6 கிலோ,தேவையான அளவு உப்பு மற்றும் தேவையான அளவு லிட்டர் தண்ணீர் ஊற்றி கலந்து விட்டு சிக்கனை 10 நிமிடம் நன்றாக வேக விடவும்.
  9. தக்காளி சாஸ் 1 கிலோ மற்றும் பிரட் தூள் 3 கிலோ போட்டு நன்றாக கலந்து விடவும்.
  10. இப்போது அடுப்பில் இருந்து இறக்கி நன்றாக ஆறவிட்டு,மசாலா கலவையில்  உருண்டை பிடிக்க இடையூறாக  இருக்கும் பிரியாணி இலையை மட்டும் எடுத்து விடவும்.
  11. மூன்று  பாத்திரங்களை எடுத்து ஒரு  பாத்திரத்தில் 30 முட்டைகளை உடைத்து ஊற்றிக்கொள்ளவும்.
  12. இரண்டாவது  பாத்திரத்தில் பிரட் தூள் ஒரு கிலோ எடுத்துக் கொள்ளவும்.
  13. 3வது பாத்திரத்தில் மைதா மாவு ஒரு கிலோ எடுத்து வைத்துக்கொள்ளவும்.
  14. முட்டை,பிரட் தூள்,மற்றும் மைதா மாவில் தேவையான அளவு உப்பு போட்டு கலந்து வைத்துக்கொள்ளவும்.
  15. தயார் செய்து வைத்துள்ள மசாலா கலவையை சிறிதளவு கையில் எடுத்து  சிறிய பூரி அளவு தட்டிக்கொண்டு நடுவில் அரை முட்டையை வைத்து மூடி உருண்டை பிடிக்கவும்.
  16. முட்டை போண்டா போல் முட்டை முழுவதும் மசாலா கலவை வைத்து மூடவும்
  17. இது போல் அணைத்து முட்டைகளையும் தயார் செய்து வைத்துக்கொள்ளவும்.
  18. மசாலா உருண்டையை முதலில் மைதா மாவில் பிரட்டி எடுத்து, முட்டையில் நனைத்து, பிரட் தூலில் பிரட்டி எடுத்து பின்னர் மீண்டும் முட்டையில் நனைத்து,பிரட் தூலில் பிரட்டி எடுத்து தயார் செய்து வைத்துக்கொள்ளவும்.
  19. அடுப்பில் பெரிய கடாய் வைத்து 5 லிட்டர் ரிபைன்ட் ஆயில் ஊற்றவும், எண்ணெய் சூடானவுடன் தயார் செய்து வைத்துள்ள உருண்டைகளை
  20. எண்ணெயில் போட்டு பொரிக்கவும்.
  21. திருப்பி போட்டு நன்றாக பொரிக்கவும்,நன்றாக பொரிந்து விட்டது எடுத்து விடலாம்.
  22. இது போல் அணைத்து உருண்டைகளையும் பொரிக்கவும்.
  23. சுவையான டெவில் எக் ரெடி.

 

இதை ஷேர் செய்திடுங்கள்:

Idhayam Matrimony