முக்கிய செய்திகள்
Idhayam Matrimony

பனையேறிகளின் வாழ்வியலைச் சொல்லும் நெடுமி

சனிக்கிழமை, 21 ஜனவரி 2023      சினிமா
Nedumi 2023 01 21

Source: provided

ஹரிஸ்வர் புரொடக்ஷ்ன்ஸ் சார்பில் வேல்முருகன் தயாரிப்பில் நந்தா லட்சுமணன் இயக்கத்தில் உருவாகியுள்ள படம் நெடுமி. இப்படத்தின் பாடல்கள் மற்றும் ட்ரெய்லர் வெளியீட்டு விழா சென்னையில் சமீபத்தில் நடைபெற்றது. இதில் சிறப்பு விருந்தினர்களாக இயக்குநர் பேரரசு, நடிகர் பயில்வான் ரங்கநாதன்  உள்ளிட்ட பலர் கலந்து கொண்டனர். விழாவில் பேசிய  படத்தின் நாயகன் பிரதீப் செல்வராஜ், இந்தப் படத்தில் பனைமரம் ஏற எனக்கு 10 நாட்கள் பயிற்சி கொடுத்தார்கள். அதன் பிறகு மரமேறி எளிதாக நடித்தேன் என்றார். இயக்குநர் நந்தா லட்சுமணன் பேசும்போது, குறும்படங்கள் ஆல்பங்கள் என்று எடுத்து சினிமா பற்றி எதுவும் தெரியாத எனக்கு வாய்ப்பு கொடுத்து இந்தப் படத்தைத் தயாரித்த எனது மாமா வேல்முருகனுக்கு நான் எப்படி நன்றி சொல்வது என்று தெரியவில்லை என்றார். பின்னர் பேசிய தயாரிப்பாளர் வேல்முருகன்,  இந்தப் படம் நாம் மறந்துவிட்ட பல விஷயங்களைப் நினைவூட்டுகிறது என்றார். ஆக்சன் ரியாக்சன் நிறுவனத்தின் சார்பில் படத்தை வெளியிடும் ஜெனிஸ் பேசும்போது,  "பனை மரம் ஒரு குறிப்பிட்ட சமுதாயத்திற்குச்  சொந்தமான ஒன்றல்ல. ஒட்டுமொத்த மனித சமுதாயத்திற்குச் சொந்தமானது. பனையின் நிலை இன்று எப்படி இருக்கிறது என்று இந்தப் படத்தைப் பார்த்தால் தெரியும். சின்ன படம் என்றாலும் நடிப்பாலும் சொல்லப்படும் விஷயத்தாலும் இந்தப் படம் உயர்ந்து தரமான படமாக இருக்கிறது" என்றார்.

இதை ஷேர் செய்திடுங்கள்:

Idhayam Matrimony
View all comments

வாசகர் கருத்து