Idhayam Matrimony

ஒரே நாளில் பவுனுக்கு ரூ.280 உயர்வு: 43 ஆயிரத்தை தாண்டியது ஒரு சவரன் தங்கம் விலை: கடந்த 2 மாதங்களில் 5,320 ரூபாய் அதிகரிப்பு

வியாழக்கிழமை, 26 ஜனவரி 2023      வர்த்தகம்
gold 2023 01 26

தங்கம் விலை நேற்று பவுனுக்கு ஒரே நாளில் ரூ.280 உயர்ந்து 43 ஆயிரத்தை தாண்டி விற்பனையானது. கடந்த 2 மாதங்களில் மட்டும் பவுனுக்கு ரூ.5,320 அதிகரித்துள்ளது பெண்களிடையே கடும் அதிர்ச்சியை ஏற்படுத்தி உள்ளது.

தங்கம் விலை கடந்த 2 மாதங்களாக தொடர்ந்து அதிகரித்து வருகிறது. கடந்த நவம்பர் மாதத்துக்கு முன்பு வரை 1 பவுன் தங்கம் ரூ.37 ஆயிரத்தை தாண்டி விற்பனையானது. பவுன் ரூ.38 ஆயிரத்துக்கு உள்ளேயே இருந்தது. கடந்த நவம்பர் மாதத்தில் இருந்து தங்கம் விலை தொடர்ந்து உயரத் தொடங்கியது. கடந்த நவம்பர் மாதம் 5-ந்தேதி விலை ரூ.38 ஆயிரத்தை தாண்டியது. அன்று ஒரு பவுன் தங்கம் ரூ.38160-க்கு விற்கப்பட்டது. அடுத்த 6 நாட்களில் தங்கம் விலை ரூ.39 ஆயிரத்தை தாண்டியது. நவம்பர் 11-ந்தேதி 1 பவுன் தங்கம் ரூ.39240 ஆக உயர்ந்தது.

டிசம்பர் மாத தொடக்கத்தில் தங்கம் விலை மீண்டும் உயரத் தொடங்கியது. டிசம்பர் 2-ம் தேதி தங்கம் விலை ரூ.40 ஆயிரத்தை தாண்டியது. அன்று 1 பவுன் ரூ.40,160-க்கு விற்பனையானது. தொடர்ந்து உயர்ந்து கொண்டே வந்த தங்கம் டிசம்பர் மாதம் 31-ம் தேதி பவுன் ரூ.41 ஆயிரத்தை தாண்டியது. அன்று 1 பவுன் தங்கம் ரூ.41,040 ஆக விற்கப்பட்டது. அதன்பிறகும் தங்கம் விலை தொடர்ந்து உயர்ந்து கொண்டே சென்றது. கடந்த 9-ந்தேதி பவுன் விலை ரூ.42 ஆயிரத்தை தாண்டியது. அன்று 1 பவுன் தங்கம் ரூ.42,080-க்கு விற்கப்பட்டது.

இந்த நிலையில் மீண்டும் உயரத் தொடங்கிய தங்கம் அதிர்ச்சி அளிக்கும் வகையில் நேற்று பவுன் ரூ.43 ஆயிரத்தை தாண்டியது. நேற்று முன்தினம் 1 பவுன் தங்கம் ரூ.42,760-க்கு விற்கப்பட்டது. நேற்று ஒரே நாளில் பவுனுக்கு ரூ.280 அதிகரித்து ரூ.43,040-க்கு விற்பனையானது.  தங்கம் விலை கடந்த நவம்பர் மாதம் 3-ம் தேதி பவுன் ரூ.37,720-க்கு விற்கப்பட்டது. 2 மாதங்களில் பவுனுக்கு ரூ.5320 அதிகரித்துள்ளது. நேற்று முன்தினம் 1 கிராம் தங்கம் ரூ.5345-க்கு விற்கப்பட்டது. நேற்று கிராமுக்கு ரூ.35 அதிகரித்து ரூ.5380-க்கு விற்கப்பனையானது.

இதேபோல் வெள்ளி விலையும் நேற்று அதிகரித்து உள்ளது. நேற்று முன்தினம் 1 கிராம் வெள்ளி ரூ.74-க்கு விற்கப்பட்டது. நேற்று கிராமுக்கு 1 ரூபாய் அதிகரித்து ரூ.75-க்கு விற்கப்படுகிறது. 1 கிலோ பார் வெள்ளி ரூ.75 ஆயிரத்துக்கு விற்பனையானது. தங்கம் விலை தாறுமாறாக உயர்ந்து வருவது பெண்களிடையே கடும் அதிர்ச்சியை ஏற்படுத்தி உள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.