பாராளுமன்ற - சட்டமன்ற தேர்தல்: ஒடிசாவில் வாக்களித்த பட்நாயக், பாண்டியன்

புவனேஷ்வர் : ஒடிசா முதல்வரும், பிஜூ ஜனதா தள தலைவருமான நவீன் பட்நாயக் புவனேஸ்வரில் உள்ள தனது இல்லத்திற்கு அருகில் ஏரோட்ரோம் மேல்நிலைப் பள்ளி உள்ள வாக்குச்சாவடிக்கு நடந்து சென்று தனது வாக்கைப் பதிவு செய்தார். அதே போல முன்னாள் ஐஏஎஸ் அதிகாரியும், நவீன் பட்நாயக்கிற்கு நெருக்கமானவருமான வி.கே.பாண்டியனும் புவனேஸ்வரில் உள்ள வாக்குச் சாவடிக்கு ஆட்டோ ரிக்ஷாவில் வந்து தனது வாக்கைப் பதிவு செய்தார்.

ஒடிசாவில் சம்பல்பூர், கியோஞ்சார், தேன்கனல், கட்டாக், புவனேஸ்வர், புரி ஆகிய பாராளுமன்ற மக்களவைத் தொகுதிகளிலும், இந்த தொகுதிகளுக்கு உள்பட்ட 42 சட்டசபை தொகுதிகளிலும் காலை 7 மணிக்கு வாக்குப்பதிவு தொடங்கி நடைபெற்றது குறிப்பிடத்தக்கது.