ஹமாஸ் பிடியில் இருந்து விடுவிக்கப்பட்ட அடையாளம் தெரியாமல் உருமாறி போன இஸ்ரேல் பிணைக்கைதிகள்

ஜெருசலேம்: ஹமாஸ் பிடியில் இருந்த இஸ்ரேல் பிணைக்கைதிகளை கண்டு உறவினர்கள் கடும் அதிர்ச்சியடைந்துள்ளனர்.

கடந்த 2023-ம் ஆண்டு அக்டோபர் 7-ம் தேதி தெற்கு இஸ்ரேல் பகுதி​யில் நோவா இசைக் கச்சேரி நடைபெற்​றது. அப்போது, திடீரென அந்தப் பகுதிகளில் நுழைந்த ஹமாஸ் தீவிர​வாதிகள் 100-க்கும் மேற்பட்​டவர்களை ஹமாஸ் பிணைக்கைதிகளாக பிடித்​துச் சென்​றனர். இந்த நிலையில், இஸ்ரேல் மற்றும் ஹமாஸ் அமைப்புக்கு இடையே போர் நிறுத்த ஒப்பந்தம் மேற்கொள்ளப்பட்​டதையடுத்து, இரு தரப்பிலிருந்தும் பிணைக் கைதிகள் படிப்படியாக விடுவிக்கப்பட்டு வருகின்றனர்.

அதன் ஒரு பகுதியாக, சிறைப்பிடிக்கப்பட்டு 500 நாட்​களுக்குப் பிறகு எல். சாராபி, ஓர்லெவி மற்றும் ஒகத் பென் அமி என்ற மூன்று இஸ்ரேலிய பிணைக்கைதிகளை ஹமாஸ் தீவிரவாதிகள் கடந்த 3 தினங்களுக்கு முன்பு இஸ்ரேலிய அதிகாரிகளிடம் ஒப்படைத்தனர். ஊட்டச்சத்து குறைபாடு காரணமாக அவர்களின் உடல்​நிலை மோசமாக காணப்பட்​டது. எலும்பும், தோலுமாக உருமாறிப்போன அவர்களை கண்டு உறவினர்கள் கடும் அதிர்ச்சியும், கோபமும் அடைந்​தனர்.

இஸ்ரேலிய பிரதமர் பெஞ்சமின் நெதன்யாகு கூறுகையில், ஹமாஸ் தீவிர​வாதிகள் அரக்கர்கள் என்பது மீண்டும் ஒருமுறை நிரூபணமாகியுள்ளது. இஸ்ரேலியர்​களின் உடல் நலிவுக்கு ​காரணமான ஹமாஸ் குழுவை ​முற்றிலும் அழிக்க உறுதியேற்க வேண்டும்​ என்​றார்​.