சர்வதேச விருது வென்ற பேட் கேர்ள்

அறிமுக இயக்குநர் வர்ஷா பாரத் இயக்கத்தில் உருவாகியுள்ள Bad Girl திரைப்படம் ரோட்டர் டாம் சர்வதேச திரைப்பட விழாவில் திரையிடப்பட்டு, உயரிய விருதான NETPAC விருதை வென்றுள்ளது. ஒரு தமிழ் படம் உலக அரங்கில் இவ்வளவு பெரிய விருது பெற்றிருப்பதை  திரைத்துறையினரும்  ரசிகர்களும் கொண்டாடி வருகின்றனர். அஞ்சலி சிவராமன், சாந்தி பிரியா, ஹ்ரிது ஹாரூன், டீஜே அருணாசலம், சஷாங்க் பொம்மிரெட்டிப்பள்ளி, சரண்யா ரவிச்சந்திரன் உள்ளிட்ட பலர் நடித்திருக்கும் இப்படத்திற்கு அமித் திரிவேதி இசையமைத்துள்ளார். ப்ரீதா ஜெயராமன் (ISC) ஜெகதீஷ் ரவி, பிரின்ஸ் ஆண்டர்சன் ஆகியோர் ஒளிப்பதிவு செய்ய, ராதா ஸ்ரீதர் படத்தொகுப்பு செய்துள்ளார். கிராஸ் ரூட் சார்பில் இயக்குநர் வெற்றிமாறன் மற்றும் இயக்குநர் அனுராக் காஷ்யப் இணைந்து தயாரித்துள்ள இப்படத்தை வர்ஷா பாரத் எழுதி இயக்கியுள்ளார்.