முக்கிய செய்திகள்
Idhayam Matrimony

மாவட்ட தொழில் மையங்களில் பொது மேலாளர்களை உடனே நியமிக்க வேண்டும்: ஓ.பி.எஸ்.

புதன்கிழமை, 9 ஏப்ரல் 2025      தமிழகம்
OPS 2024-11-11

Source: provided

சென்னை : தொழில் முதலீடுகளை ஈர்க்க நடவடிக்கை எடுக்க வேண்டும் என்று தெரிவித்துள்ள ஓ.பன்னீர் செல்வம், மாவட்ட தொழில் மையங்கள் அனைத்திலும் பொது மேலாளர்கள் உடனடியாக நியமிக்கப்பட வேண்டும் என்றும் அவர்தெரிவித்துள்ளார்.

முன்னாள் முதல்வர் ஓ.பன்னீர் செல்வம் வெளியிட்டுள்ள அறிக்கையில், தமிழகத்தில் உள்ள அனைத்து மாவட்டங்களிலும் உள்ள சாதகமான தொழில்களை கண்டறிந்து, அதுகுறித்த அறிக்கைகளை அரசுக்கு அனுப்பி, அரசின் ஒப்புதலைப் பெற்ற பின்பு, அங்கு தொழில்களை அமைக்க தொழிலதிபர்களுக்கு உதவும் மையங்களாக மாவட்ட தொழில் மையங்கள் செயல்பட்டு வருகின்றன. புதிய தொழில் முனைவோர் மேம்பாட்டுத் திட்டம், பிரதமர் வேலைவாய்ப்பு உருவாக்கும் திட்டம் உள்ளிட்ட திட்டங்கள் மாவட்ட தொழில் மையங்கள் மூலம் செயல்படுத்தப்பட்டு வருகின்றன.

கடந்த நான்காண்டு கால தி.மு.க. ஆட்சியில் இவற்றின் செயல்பாடுகள் குறைந்துவிட்டன ஏற்கெனவே, தமிழ்நாட்டிற்கு வரவேண்டிய தொழில் முதலீடுகள் ஆந்திர மாநிலம் பக்கம் செல்வதாகச் செய்திகள் வருகின்றன. அமெரிக்காவைச் சேர்ந்த நிறுவனமான கேரியர் குளோபல் நிறுவனம் சென்னையை மையமாகக் கொண்டு தன்னுடைய முதல் தொழிற்சாலையை இங்கு அமைக்க திட்டமிட்டிருந்த நிலையில், அந்த நிறுவனம் தற்போது 1000 கோடி ரூபாயை ஆந்திராவில் முதலீடு செய்துள்ளது. இதேபோன்று, எல்.ஜி. எலக்ட்ரானிக்ஸ் நிறுவனம் தமிழ்நாட்டில் தனது தொழிற்சாலையை அமைக்க திட்டமிட்டிருந்த நிலையில், ஆந்திர மாநில அரசின் துரித நடவடிக்கை காரணமாக அங்கு 5,000 கோடி ரூபாய் முதலீடு செய்துள்ளது. இது தவிர 85,000 கோடி ரூபாய் அளவுக்கான முதலீடுகள் ஆந்திரா, தெலுங்கானா மற்றும் மகராஷ்டிரா மாநிலங்களுக்கு சென்றுவிட்டதாகக் கூறப்படுகிறது.

தொழில் முதலீடுகளை ஈர்க்க துரித நடவடிக்கைகள் மேற்கொள்ளப்பட வேண்டும். மாவட்ட தொழில் மையங்கள் அனைத்திலும் பொது மேலாளர்கள் உடனடியாக நியமிக்கப்பட வேண்டும். தொழில்கள் வளர்ந்தால்தான் தொழிலாளர்கள் வாழ முடியும் என்பதைக் கருத்தில் கொண்டு, இனி வருங்காலங்களிலாவது, மாவட்ட தொழில் மையங்களில் பொது மேலாளர்களை நியமித்து தொழில் முதலீடுகளை ஈர்க்க நடவடிக்கை எடுக்க வேண்டுமென்று  முதல்-அமைச்சரை கேட்டுக் கொள்கிறேன்.என தெரிவித்துள்ளார் .

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 5 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 5 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 6 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 6 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 8 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 8 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.