மாநிலங்களவை எம்.பி. வேட்பாளர்கள் யார்? - அ.தி.மு.க. நிர்வாகிகளுடன் இ.பி.எஸ். இன்று ஆலோசனை

சென்னை, : அ.தி.மு.க. சார்பில் போட்டியிடவுள்ள மாநிலங்களவை எம்.பி. வேட்பாளர்கள் யார்? என்பது குறித்து கட்சியின் நிர்வாகிகளுடன் பொதுச்செயலாளர் எடப்பாடி பழனிசாமி இன்று முக்கிய ஆலோசனை நடத்துகிறார்.

தமிழகத்தைச் சேர்ந்த 6 மாநிலங்களவை எம்.பி-க்களின் பதவிக்காலம் வரும் ஜூலை மாதத்துடன் நிறைவடையும் நிலையில், காலியாகும் அந்த ஆறு இடங்களுக்கு தேர்தலை அறிவித்திருக்கிறது இந்திய தேர்தல் ஆணையம். அதன்படி, வரும் ஜூன் 19-ம் தேதி தேர்தல் நடைபெறவுள்ளது. தி.மு.க தரப்பில், வழக்கறிஞர் வில்சன், சேலம் கிழக்கு மாவட்டச் செயலாளர் எஸ்.ஆர்.சிவலிங்கம், கவிஞர் சல்மா ஆகியோர் வேட்பாளராக அறிவிக்கப்பட்டுள்ளனர். தி.மு.க கூட்டணியில் இடம்பெற்றுள்ள மக்கள் நீதி மய்யத்திற்கு ஒரு சீட்டை ஒதுக்கப்பட்டுள்ளது..

இதற்கிடையே மாநிலங்களவை எம்.பி தேர்தலுக்கான வேலைகளில் தி.மு.க தரப்பு மும்முரம் காட்டி வரும் நிலையில், இன்றும், நாளையும் (மே 29,30-ல்) நிர்வாகிகள் கூட்டத்தைக் கூட்டி விவாதிக்கவிருக்கிறார் அ.தி.மு.க பொதுச் செயலாளர் எடப்பாடி பழனிசாமி. இன்று நடைபெறும் கூட்டத்தில் எடப்பாடி பழனிசாமி, மாநிலங்களவை எம்.பி. தேர்தலுக்கான வேட்பாளர்கள் குறித்து ஆலோசிக்கவிருக்கிறார். "ஜூன் 2-ம் தேதி வேட்புமனு தாக்கல் தொடங்கவிருப்பதால், இந்தக் கூட்டத்தின் முடிவில் வேட்பாளர் பட்டியல் வெளியாகலாம் என தகவல் வெளியாகியுள்ளது.