ஜெய்ப்பூர், நவ.- 7- ராஜஸ்தான் மாநிலம் நந்த்காவூன் என்ற இடத்தில் நடைபெற்ற ஒரு கூட்டத்தில் குஜராத் முதல்வர் நரேந்திர மோடி கலந்துகொண்டு பேசினார். அப்போது அவர் கூறுகையில், பசுமாடுகளை பாதுகாக்க மக்கள் ஒன்றுபட்டு செயல்பட வேண்டும் என்றும் பசுக்களை வதை செய்வோர் மீது நடவடிக்கை எடுக்க வேண்டும் என்றும் கேட்டுக்கொண்டார். குஜராத் மாநிலத்தில் பசுக்களை பாதுகாக்க தனது அரசு பல்வேறு நடவடிக்கைகளை எடுத்து வருவதாகவும் அவர் கூறினார். குஜராத் மாநிலத்தில் பசுக்களை வதை செய்வது தடை செய்யப்பட்டுள்ளது என்றும் அவர் கூறினார். இந்த பிரச்சினை தொடர்பாக சுப்ரீம் கோர்ட்டு வரை சென்ற குஜராத் அரசு பசுவதை தொடர்பாக ஒரு சட்டத்தை இயற்றி பசு வதைக்கு தடை விதித்துள்ளது என்றும் அவர் கூறினார். அதன்படி தற்போது குஜராத்தில் பசுக்களை கொல்வதற்கு தடை விதிக்கப்பட்டுள்ளது என்றும் மாட்டிறைச்சி விற்பதற்கும் தடை விதிக்கப்பட்டுள்ளது என்றும் அவர் கூறினார்.
