சுகாதாரத்துறை அதிகாரிகளுடன் அமைச்சர் விஜய் ஆலோசனை

சென்னை, நவ.- 12 - சுகாதாரத்துறை அதிகாரிகளுடன் அமைச்சர் வி.எஸ்.விஜய் ஆலோசனை நடத்தினார். இதுகுறித்து தமிழக அரசு செய்தி குறிப்பில் கூறியிருப்பதாவது:- 10.11.11 அன்று தலைமைச் செயலகத்தில் மக்கள் நல்வாழ்வு மற்றும் குடும்ப நலத்துறையின் சிறப்பு திட்டங்கள், புதிய முயற்சிகள், அரசின் அறிவிப்புகள், பகுதி-2 திட்டங்கள் ஆகியவை குறித்து மக்கள் நல்வாழ்த்துறை அமைச்சர் டாக்டர் வி.எஸ்.விஜய் ஆய்வு மேற்கொண்டார். தமிழக முதல்வர் ஜெயலலிதாவால் வழங்கப்பட்ட அரசாணைகள் மற்றும் அனைத்து புதிய திட்டங்களின் பயன்கள் தங்குதடையின்றி விரைவாக மக்களைச் சென்றடைய உரிய அறிவுரைகள் அமைச்சரால் வழங்கப்பட்டன. மக்கள் நல்வாழ்த்துறையின் முதன்மைச் செயலாளர், அனைத்து சுகாதாரத்துறை இயக்குநர்கள் மற்றும் உயர் அலுவலர்களும் ஆய்வுக் கூட்டத்தில் பங்கேற்றனர். இவ்வாறு தமிழக அரசு செய்தி குறிப்பில் கூறப்பட்டுள்ளது.