முக்கிய செய்திகள்
Idhayam Matrimony

பிரதமர் மோடி, உள்துறை அமைச்சர் அமித்ஷாவை சந்திக்க முதல்வர் எடப்பாடி பழனிசாமி வரும் 19-ம் தேதி டெல்லி பயணம்

ஞாயிற்றுக்கிழமை, 15 டிசம்பர் 2019      தமிழகம்
Image Unavailable

முதல்வர் எடப்பாடி பழனிசாமி வரும் 19-ம் தேதி டெல்லிக்கு பயணம் மேற்கொள்கிறார். அங்கு பிரதமர் மோடி, மத்திய உள்துறை அமைச்சர் அமித்ஷா உள்ளிட்டோரை சந்தித்து பேசுகிறார். அப்போது கோரிக்கைகள் அடங்கிய மனுவையும் அவர் பிரதமரிடம் அளிக்கிறார். 

மகாத்மா பிறந்த நாள் விழா

தேசப் பிதா மகாத்மா காந்தியின் 150-ம் ஆண்டு பிறந்த நாள் விழாவை நாடு முழுவதும் சிறப்பாக கொண்டாட மத்திய அரசு திட்டமிட்டுள்ளது. இது தொடர்பாக அனைத்து மாநில முதல்வர்கள் கூட்டம் ஒன்றை டெல்லியில் பிரதமர் மோடி கூட்டியுள்ளதாக தெரிகிறது.
 
பிரதமர் மோடி அழைப்பு

இந்நிலையில் பிரதமர் மோடியின் அழைப்பை ஏற்று முதல்வர் எடப்பாடி பழனிசாமி வரும் 19-ம் தேதி டெல்லிக்கு சுற்றுப்பயணம் மேற்கொள்கிறார். அங்கு பிரதமர் நரேந்திர மோடியையும், உள்துறை அமைச்சர் அமித்ஷாவையும் சந்தித்து பேசுகிறார், அப்போது அவர் தமிழக திட்டங்களுக்கு வழங்க வேண்டிய நிலுவைத் தொகையை மத்திய அரசு வழங்க வேண்டும் என்றும், காவிரி, முல்லை பெரியாறு, பாலாறு உள்ளிட்ட பல்வேறு நதிநீர் பிரச்னைகள் குறித்தும் விரிவான கோரிக்கை மனுவொன்றையும் பிரதமரிடம் முதல்வர் எடப்பாடி பழனிசாமி வழங்குவார் என்று அரசு வட்டாரங்கள் தெரிவித்தன.

கோரிக்கை மனு

ஏற்கனவே முதல்வர் எடப்பாடி பழனிசாமி டெல்லி சென்ற போதெல்லாம் பிரதமர் மோடியை சந்தித்து தமிழக திட்டங்களுக்கான கோரிக்கை மனுக்களை அளித்துள்ளார். அப்போது காவிரி, கோதாவரி நதிகள் இணைப்பு திட்டத்தை விரைந்து செயல்படுத்த வேண்டும். தமிழகத்திற்கு வழங்க வேண்டிய ஜி.எஸ்.டி. நிலுவை தொகையை வழங்க வேண்டும் மற்றும் தமிழக திட்டங்களுக்கு வழங்க வேண்டிய நிதியை உடனே அளிக்க வேண்டும் போன்ற கோரிக்கைகள் அடங்கிய மனுவை முதல்வர் அளித்துள்ளார். தற்போதும் அவர் அது போன்ற கோரிக்கை மனுவை பிரதமரிடம் அளிக்கவிருக்கிறார். தனது டெல்லி பயணத்தின் போது மத்திய நிதியமைச்சர் நிர்மலா சீதாராமன் உள்ளிட்ட முக்கிய அமைச்சர்களை அவர் சந்தித்து தமிழக திட்டங்கள் குறித்து பேசுவார் என எதிர்பார்க்கப்படுகிறது.

முதல்வர் எடப்பாடி பழனிசாமி மத்திய  உள்துறை அமைச்சர் அமித்ஷாவை சந்திக்கும் போது உள்துறை அமைச்சக ஆலோசகரும், முன்னாள் ஐ.பி.எஸ். அதிகாரியுமான விஜயகுமார் பங்கேற்க உள்ளார். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 6 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 6 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 7 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 7 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 9 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 9 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.