கத்தாரில் 8 இந்தியர்களுக்கு மரண தண்டனை: அனைத்து சட்ட, தூதரக உதவிகளை விரிவுபடுத்தும் வெளியுறவுத்துறை

புதுடெல்லி, கத்தாரில் 8 இந்தியர்களுக்கு மரண தண்டனை விதிக்கப்பட்ட விவகாரத்தில் உன்னிப்பாக கவனித்து வருவதாக தெரிவித்துள்ள மத்திய வெளியுறவுத்துறை அமைச்சகம், இந்த விசயத்தில் அனைத்து சட்ட உதவிகளையும் விரிவுபடுத்தப்பட உள்ளதாகவும் தெரிவித்துள்ளது. 

வெளியுறவு துறை செய்தித் தொடர்பாளர் அரிந்தம் பாக்சி செய்தியாளர்களைச் சந்தித்தார். அப்போது அவரிடம் கத்தாரில் 8 இந்தியர்களுக்கு மரண தண்டனை விதிக்கப்பட்டது குறித்து கேட்கப்பட்டது. அப்போது அவர் கூறியதாவது., இதுவரை 2 விசாரணைகள் நடந்துள்ளன. குடும்பத்தினரிடம் இருந்து மேல்முறையீடு செய்தோம், கைதிகள் இறுதி மேல்முறையீடு செய்தோம். அதன்பிறகு 2 விசாரணைகள் நடைபெற்றன. இந்த விஷயத்தை நாங்கள் உன்னிப்பாகக் கவனித்து வருகிறோம். அனைத்து சட்ட மற்றும் தூதரக உதவிகளையும் விரிவுபடுத்துகிறது.

இதற்கிடையே, டிசம்பர் 3-ம் தேதி சிறையில் இருக்கும் 8 பேரையும் சந்திக்க எங்கள் தூதருக்கு தூதரக அனுமதி கிடைத்தது. இது ஒரு முக்கியமான பிரச்சினை. அதனால் நாங்கள் தொடர்ந்து பின்பற்றுவோம், நாங்கள் எதைப்பகிர்ந்து கொள்ள முடியுமோ அதை நாங்கள் செய்வோம் என தெரிவித்தார்.