போதைப்பொருள் குறித்த விழிப்புணர்வு வீடியோ : எடப்பாடி பழனிசாமி வெளியிட்டார்

சென்னை : அ.தி.மு.க. பொதுச்செயலாளர் எடப்பாடி பழனிசாமி, போதைப்பொருள் குறித்து விழிப்புணர்வு வீடியோ ஒன்றை வெளியிட்டுள்ளார். 

அதில், தமிழகத்தில் அதிகரித்து வரும் போதைப்பொருள் புழக்கம் குறித்து விழிப்புணர்வு ஏற்படுத்தவும், போதைப்பொருள் புழக்கத்தை கட்டுப்படுத்த தவறிய தி.மு.க. அரசை  கண்டித்தும் இன்று அனைத்து மாவட்ட தலைநகரங்களிலும் அ.தி.மு.க.  சார்பில் மாபெரும் கண்டன ஆர்ப்பாட்டங்கள் நடைபெறும்.

போராட்டத்தோடு நிச்சயமாக இது நின்றுவிடப்போவதில்லை. தமிழகத்தில் கடைசி துளி போதைப்பொருள் ஒழியும் வரை எங்களுடைய போராட்டம் தொடரும். பெற்றோர்களே,  இந்த தி.மு.க. ஆட்சியில் தமிழ்நாடு போதைப்பொருள் கிடங்காக மாறி வருகிறது. 

நம் பிள்ளைகளை நாம் தான் பார்த்துக்கொள்ள வேண்டும். கவனமாக இருங்கள். மாணவ செல்வங்களே, இளைய சமுதாயமே, உங்கள் எதிர்காலம் மிக முக்கியம். ஒரு சிறிய தவறு கூட பெரிய தண்டனைகளை பெற்றுத் தந்து விடும் என்று கூறி விழிப்புணர்வு வீடியோவை அவர் வெளியிட்டுள்ளார்.