முக்கிய செய்திகள்
Idhayam Matrimony

திருவாரூர் மத்திய பல்கலை.யில் இன்று 9-வது பட்டமளிப்பு விழா பட்டங்களை வழங்குகிறார் ஜனாதிபதி முர்மு

வெள்ளிக்கிழமை, 29 நவம்பர் 2024      தமிழகம்
Murmu 2023-11-19

Source: provided

 

திருவாரூர்: திருவாரூர் மத்திய பல்கலைக் கழகத்தில் இன்று நடைபெறும் பட்டமளிப்பு விழாவில்  ஜனாதிபதி முர்மு கலந்து கொண்டு மாணவ, மாணவிகளுக்கு பட்டங்களை வழங்குகிறார்.

திருவாரூர் மாவட்டம், நீலக்குடியில் தமிழ்நாடு மத்திய பல்கலைக் கழகம் அமைந்துள்ளது. இந்த பல்கலைக் கழகத்தின் 9-வது பட்டமளிப்பு விழா இன்று (சனிக்கிழமை) நடைபெற உள்ளது.

இந்த விழாவில் ஜனாதிபதி திரவுபதி முர்மு பங்கேற்று மாணவ, மாணவிகளுக்கு பட்டங்கள் வழங்குகிறார். விழாவையொட்டி இன்று அவர் ஊட்டியில் இருந்து விமானம் மூலம் புறப்பட்டு, மதியம் 12 மணிக்கு திருச்சி விமான நிலையம் வருகிறார்.

அங்கிருந்து ஹெலிகாப்டர் மூலம் திருவாரூர் மத்திய பல்கலைக் கழகத்திற்கு செல்கிறார்.  இதற்காக பல்கலைக் கழக வளாகத்தில் 3 ஹெலிகாப்டர் இறங்கு தளங்கள் அமைக்கப்பட்டுள்ளது.

ஜனாதிபதிக்கு தமிழக அரசு சார்பிலும், மத்திய பல்கலைக் கழகம் சார்பிலும் வரவேற்பு அளிக்கப்பட உள்ளது. பல்கலைக் கழகத்திற்கு மதியம் ஒரு மணிக்கு வரும் ஜனாதிபதி, பல்கலைக் கழக வளாகத்தில் உள்ள விருந்தினர் மாளிகையில் மதிய உணவு அருந்துகிறார்.

பின்னர், மாலை 3 மணிக்கு அங்குள்ள அரங்கில் நடக்கும் பட்டமளிப்பு விழாவில் கலந்து கொண்டு மாணவ, மாணவிகளுக்கு பட்டங்களை வழங்குகிறார். விழா முடிந்ததும் ஜனாதிபதி அங்கிருந்து புறப்பட்டு ஹெலிகாப்டர் மூலம் திருச்சி விமான நிலையம் செல்கிறார். பின்னர், அங்கிருந்து தனி விமானம் மூலம் டெல்லி புறப்படுகிறார்.

விழாவிற்கான  ஏற்பாடுகளை பல்கலைக்கழக துணைவேந்தர் கிருஷ்ணன் மற்றும் நிர்வாகிகள் செய்து வருகின்றனர். ஜனாதிபதி வருகையை முன்னிட்டு பலத்த பாதுகாப்பு ஏற்பாடுகள் செய்யப்பட்டுள்ளது.

அதன்படி, தமிழக ஏ.டி.ஜி.பி. சஞ்சய் குமார் தலைமையில் சுமார் 2 ஆயிரத்து 500 போலீசார் பாதுகாப்பு பணியில் ஈடுபடுத்தப்பட்டுள்ளனர்.  மேலும், திருச்சி மண்டல ஐ.ஜி. கார்த்திகேயன், தஞ்சை மண்டல டி.ஐ.ஜி. மற்றும் திருவாரூர் மாவட்ட போலீஸ் சூப்பிரண்டு ஜெயக்குமார் உள்ளிட்ட 10 மாவட்ட போலீஸ் சூப்பிரண்டுகள் பாதுகாப்பு பணியில் ஈடுபடுகின்றனர்.

அதுமட்டுமின்றி, 15 கூடுதல் போலீஸ் சூப்பிரண்டுகள், 40 துணை போலீஸ் சூப்பிரண்டுகள், 65 இன்ஸ்பெக்டர்கள் மற்றும் 8 மாவட்டங்களை சேர்ந்த சுமார் 2 ஆயிரத்து 400 போலீசாரும் பாதுகாப்பு பணியில் ஈடுபடுகின்றனர். மேலும், திருவாரூரில் இன்று முழுவதும் டிரோன்கள் பறக்க தடை விதித்து மாவட்ட கலெக்டர் சாருஸ்ரீ உத்தரவிட்டுள்ளார்.  

 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 2 months ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 2 months ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 3 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 3 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 5 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 5 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.