ரோஜ்கார் மேளா: நாடு முழுவதும் இன்று 51ஆயிரம் பேருக்கு பணி நியமன ஆணை : பிரதமர் மோடி வழங்குகிறார்

புதுடெல்லி : நாடு முழுவதும் நடைபெறும்  ரோஜ்கார் மேளாவில் பிரதமர் நரேந்திர மோடி பங்கேற்று  இன்று 51 ஆயிரம் பேருக்கு பணி நியமன ஆணையை காணொளி காட்சி மூலம்  வழங்கி உரையாடுகிறார்.

நாடு முழுதும் வேலை வாய்ப்புகளை அதிகரிக்க  பிரதமர் மோடி தலைமையிலான மத்தியஅரசு , ரோஜ்கார் மேளா என்ற பெயரில் வேலைவாய்ப்பு முகாம்களை நடத்தி வருகிறது. அதன்படி, தேர்வு செய்யப்பட்டவர்களுக்கு பிரமர் மோடி பணியாணைகளை வழங்கி வருகிறார். 

இதன் தொடக்க விழா கடந்த 2022-ம் ஆண்டு அக்டோபர் மாதம் 22-ம் தேதி நடைபெற்றது.  இந்த நிலையில், இன்று 30-ம் தேதி  அன்று மாலை 4 மணி அளவில்  மேலும் 51 ஆயிரம் பேருக்கு ரோஜ்கார் மேளா திட்டத்தின்படி,  காணொளி காட்சி மூலம்  பணி நியமன உத்தரவு வழங்கி, பயனாளிகளுடன் பிரதமர் மோடி கலந்துரையாடுகிறார். இந்த நிகழ்ச்சி நாடு முழுவதும் 37 இடங்களில் நடைபெறுகிறது.