கிருஷ்ணகிரி மாவட்டத்தில் மாற்றுத்திறன் கொண்ட மாணவர்களுக்கு பாராட்டு விழா: கலெக்டர் சி.கதிரவன் சான்றிதழ் வழங்கினார்

கிருஷ்ணகிரி மாவட்டம் ஓசூரில் மாற்றுத்திறனாளிகள் நலத்துறை சார்பில் மனவளர்ச்சி குன்றியோருக்காக ( ஆட்டிசம்) இயங்கி வரும் அன்னை அரவிந்தர் மனவளர்ச்சி குன்றியோருக்கான சிறப்பு பள்ளி பயின்ற மாணவ மாணவியர்கள் 2017 10ம் வகுப்பு பொதுத் தேர்வில் 100 சதவிகிதம் தேர்ச்சி பெற்றனர்.

பாராட்டு விழா

இத் தேர்வில் கற்றல் குறைபாடுவுள்ள மாணவர் வி.ஸ்ரீராம், 375 மதிப்பெண்ணுக்கு 275 மதிப்பெண்ணும், ஆட்டிஸசத்தால் பாதிக்கப்பட்ட மாணவர்கள் ஏ.சார்லி, 375 மதிப்பெண்ணுக்கு 266 மதிப்பெண்ணும், மாணவர் ஜே.எஸ்.விமல்ராஜ் 375 மதிப்பெண்ணுக்கு 209 மதிப்பெண்கள் பெற்று மாவட்ட அளவில் மனவளர்ச்சி குன்றியோர் பிரிவில் அதிக மதிப்பெண் பெற்றமைக்காக கலெக்டர் சி.கதிரவன் பாராட்டு சான்றிதழ் வழங்கி மாணவர்களை பாராட்டினார். இப் பள்ளியில் 100 சதவிகிதம் தேர்ச்சி விகிதம் பெற்று தந்த பள்ளி தாளார் ஆர்.மணிகண்டன் அவர்களுக்கு பாராட்டு சான்றிதழை கலெக்டர் வழங்கினார்.

இந்நிகழ்ச்சியில் மாற்றுத்திறனாளிகள் நலத்துறை அலுவலர் பாபு, பள்ளி தாளார் மணிகண்டன், பள்ளி சிறப்பு ஆசிரியை கே.என். லதா ஆகியோர் உடன் இருந்தனர்.